Бақытжан Сағынтаев: Алматы "шеті жоқ қала" принципі бойынша дамитын болады
ЖЭО-2 болған кезінде қала басшысына ауаның залалдануын азайтуға қатысты жүргізіліп жатқан шаралар туралы баяндалды. Б.Сағынтаев тиісті қызметтерге барлық варианттарды саралап, қысқа мерзім ішінде нақтылы ұсыныстар беруді тапсырды.
Алматы. 4 шілде. Kazakhstan Today - Алматы әкімі аудандардың әлеуметтік-экономикалық даму жағдайларымен таныса келіп, қалалардың Президент Қасым-Жомарт Тоқаевтың тапсырмасына сәйкес "шеті жоқ қала" принципі бойынша дамитынын атап өтті.
Алатау ауданына жұмыс сапарымен барған Б.Сағынтаев көлік инфрақұрылымын, тұрғын үй салудың қарқынымен, энергетикалық кешендерді модернизациялаумен, танысты, өртке қарсы қызметті дамыту, балалардың ойын алаңдарының, әсіресе батуттардың қаупсіздігін қамтамасыз ету мәселелерін талқылады.
Мегаполис үшін автобус желілерін дамыту мәселесі актуалды болуда. Оны дұрыс шешу үшін 200 автобусқа арналған №3 автопарк және жеке тасымалдаушының 130 автобустық базасы салынуда. Кәсіпорын басшыларымен бағыттарды субсидиялау, жылжымалы составты жаңарту және жүргізушілер мен басқа мамандық иелерін дайындау мәселелері талқыланды.
"Автобустар жаңаруда, қалалықтардың сапалы қызметке деген сұранысы артуда, демек тасымалдаушылар персоналының біліктілігі жоғары болуы тиіс. Колледждермен бірге жұмыс істеп, жүргізушілердің, механиктердің, электриктердің, және басқа да мамандық иелерінің жетіспеушілігін шешуге болады", - деді Бақытжан Сағынтаев.
Мемлекет басшысы Қасым-Жомарт Тоқаевтың тапсырмасы бойынша әлеуметтік жағынан аз қамтылған топты тұрғын үймен қамтамасыз ету және инфрақұрылымды дамыту мәселелері шешімін табуда. Б.Сағынтаев Алатау ауданы Алғабас мөлтек елді мекеніндегі тұрғын үй құрылысының барысымен танысты, мұнда 8,3 га учаскеге 23 үй салынуда.
Қала әкімі мөлтек аудандарды орталықтандыру принципі бойынша дамыту әрі қажет барлық әлеуметтік инфрақұрылымдардың жақын орналасуы тиіс екендігін атап көрсетті.
"Мұнда сквер, емхана, тіпті дүкен қарастырылмаған. Сондықтан Жайлы қалалық орта басқармасына кейінгі жобалардың бірінші қабаттарына әлеуметтік нысандардың орналасуын қарастыруды тапсырамын", - деді Бақытжан Сағынтаев.
ЖЭО-2 болған кезінде қала басшысына ауаның залалдануын азайтуға қатысты жүргізіліп жатқан шаралар туралы баяндалды. Б.Сағынтаев тиісті қызметтерге барлық варианттарды саралап, қысқа мерзім ішінде нақтылы ұсыныстар беруді тапсырды.
Анықтама үшін:
Қазіргі кезде Алатау ауданынының 13 мөлтек елді мекенде ұзындығы 118 км болатын 442 көшеге жол салынуда. Ұзындығы 23,6 км болатын 24 көшені жөндеу жоспарлануда.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.