"Бәйтерек" холдингі инвесторларды қолдаудыӊ жаӊа әдістерін ұсынады
"Бәйтерек" холдингі "Мемлекеттік-жекешелік әріптестік жобаларын сүйемелдеу орталығы" ЖШС еншілес ұйымыныӊ негізінде инфрақұрылымдық және индустриялық жобаларды әзірлеу жөніндегі арнайы қорды - "Kazakhstan Project Preparation Fund" (KPPF) ЖШС құруда.
Астана. 13 қыркүйек. Kazakhstan Today - "Бәйтерек" холдингі "Мемлекеттік-жекешелік әріптестік жобаларын сүйемелдеу орталығы" ЖШС еншілес ұйымыныӊ негізінде инфрақұрылымдық және индустриялық жобаларды әзірлеу жөніндегі арнайы қорды - "Kazakhstan Project Preparation Fund" (KPPF) ЖШС құруда.
KPPF құрудыӊ мақсаты инфрақұрылымдық және индустриялық жобалардыӊ өсімін ынталандыру, сондай-ақ "Нұрлы жол" және ИИДМБ мемлекеттік бағдарламаларды іске асыруға жәрдемдесу болып табылады. KPPF қаражаты қайтарым негізде жобаларды дайындауды қаржыландыруға бағытталатын болады. Іске асыруды шетелдік және отандық инвесторлар жүргізеді, деп хабарлады Холдингтіӊ баспасөз қызметі.
"Бәйтерек" холдингі инвесторлар үшін бірыӊғай жобалау офисі ретінде жұмыс жасайды. KPPF әзірленген және іске асыруға дайын жобаларды борыштық қаржыландыру ("Қазақстанныӊ Даму Банкі" АҚ), үлестік қаржыландыру ("Қазына Капитал Менеджмент" АҚ), экспорттық операцияларды сақтандыру ("ҚазЭкспортГарант" АҚ), гранттық қаржыландыру және субсидияларды беру ("Технологиялық даму жөніндегі ұлттық агенттік" АҚ мен "Даму" кәсіпкерлікті дамыту қоры" АҚ) түріндегі Холдингте қолданылатын барлық құралдарды бірге пайдалана отырып, бұдан кейінгі қаржыландыруды құрылымдау үшін Холдингке бағыттайтын болады.
KPPF-ты құру кезінде EBRD (Infrastructure Project Preparation Facility), IFC (InfraVentures), ADB (Asia-Pacific Project Preparation Facility) және AIIB (Project Preparation Special Fund) сияқты халықаралық ұйымдардыӊ осы сияқты қорларын құру жөніндегі озық халықаралық тәжірибе ескерілді.
Айта кетейік, "Бәйтерек" Ұлттық басқарушы холдингі Қазақстан Республикасы Президентініӊ 2013 жылғы 22 мамырдағы "Даму институттарын, қаржы ұйымдарын басқару және ұлттық экономиканы дамыту жүйесін оӊтайландырудыӊ кейбір шаралары туралы" № 571 Жарлығымен құрылды.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.