"Бәйтерек" ұлттық басқарушы холдингі және Қазақстанныӊ инвестициялық қоры Шымкентте керамогранит өндіретін зауытты пайдалануға берді

Шымкент. 13 Мамыр. Kazakhstan Today - "Бәйтерек" ұлттық басқарушы холдингі Шымкент қаласында (ОҚО) керамогранит өндірісін қалпына келтіру және қайта іске қосу үшін жаӊа стратегиялық инвесторды тартты, деп хабарлайды Kazakhstan Today агенттігініӊ тілшісі.

Кәсіпорынды іске қосу шарасына "Қазақстанныӊ инвестициялық қоры" АҚ (ҚИҚ, "Бәйтерек" холдингініӊ еншілес құрылымы) Басқарма Төрағасыныӊ орынбасары Айдос Бекбосынов және Оӊтүстік Қазақстан облысы әкімініӊ орынбасары Сапарбек Тұяқбаев қатысты.

Зауыттыӊ негізгі өнімі - керамикалық гранит - Қазақстан Республикасында және одан тыс жерлерде өткізуге бағдарланған. Оныӊ өндірісі үшін жоғары сапалы баяу балқитын балшық, еӊ таза кварц құмы, дала шпаты және табиғи пигменттер қолданылады. Кәсіпорында "Barbieri & Torozzi" итальяндық жабдық орнатылды. Зауыттыӊ техникалық қуаттылығы жылына керамограниттіӊ 2,5 миллион текше метрін құрайды. Өнімніӊ жоғары сапасы бәсекелестердіӊ аналогтарынан басым болып табылады.

Ағымдағы сәтте өндірісте 80-нен артық адам еӊбек етуде, келешекте жұмыс орындарын 200 адамға дейін көбейту жоспарланған. Жаӊа инвесторды жоспары - қажетті шикізаты бар жеке кен орнын өндіру және өӊдеу мақсатында кен қойнауын пайдалану жобаларына қатысу, бұл компанияға дербес және тұрақты жұмыс істеуін қамтамасыз етеді, сондай-ақ сырттағы өнім берушілерге тәуелділікті жояды.

"Азия Керамик" ЖШС-і "Қазақстанныӊ Даму Банкі" АҚ-дан Инвестициялық қорға берілген 35 проблемалық жобалардыӊ бірі екенін естеріӊізге сала кетейік. Кәсіпорынды сауықтыру жұмысы шеӊберінде 2014 жылғы маусымда борышты мәжбүрлеп өндіріп алу мақсатында атқарушылық іс қозғалды. Былтырғы жылғы қазанда өндірістік кешен активтері "Азия Керамик" ЖШС-ніӊ борышын өтеу үшін Инвестициялық қордыӊ балансына қабылданды.

Жобаны қабылдау сәтінен бастап ҚИҚ "Бәйтерек" холдингініӊ қолдауымен инвесторды іздеу бойынша белсенді жұмыс жүргізді, ұзақ келіссөздердіӊ нәтижесінде жобаға "ЗЕРДЕ" ҒӨБ" ЖШС тартылды. Осы компанияныӊ өндірістік және құрылыс секторында жұмыс тәжірибесі мол, сондай-ақ логистикалық бизнеске, фармацевтикалық секторға және т.б. белсенді қатысып келеді. 2014 жылғы 30 қазанда "ЗЕРДЕ" ҒӨБ" ЖШС және ҚИҚ арасында керамогранит өндірісі бойынша зауытты сатып алу-сату шарты жасалды.

Қазіргі уақытта "ЗЕРДЕ" ҒӨБ" ЖШС техникалық аудит пен іске қосу-жөндеу жұмыстарын қорытындылауда. Сондай-ақ, жабдықтыӊ тестілік пайдалануы жүргізілді және дайын өнімніӊ сынамалық партиясын (күйдірілмеген) шығару жүзеге асырылды.