БАКУ. 27-наурыз. Kazakhstan Today. Бакуде Изербайжан - Қазақстан біріккен астық кәсіпорны "Баку астық терминалы" ААҚ-ын пайдалануға беру салтанаты 4-сәуірде өтеді, деп хабарлады Kazakhstan Today агенттігінің тілшісіне акционерлік қоғамнан.
ААҚ атап өткендей, оның ашылу салтанатына Қазақстанның үкімет басшысы Кәрім Мәсімов қатысады, деп күтілуде.
"Қазіргі уақытта терминалдағы құрылыс жұмыстарының негізгі көлемі аяқталған. Машиналар мен механизмдерді орнату және құрылғыларды жөндеу жұмыстары жалғасуда. 4-сәуірде Қазақстан Республикасының премьер-министрі бастаған үкімет делегацияларының қатысумен терминалдың ашылу салтанаты өтеді деп жоспарланған. Біз осы күні 3 мың тонна көлеміндегі қазақстандық астықтың бірінші партиясы тиеген кемені күтеміз",- деді ақпарат көзі.
Терминал ағымдағы жылдың тамыз айында толық күшімен жұмыс істейді деп жобалануда. "Біз үш-төрт ай ішінде терминалдың толық пайдалануға беріледі деп күтудеміз. Мұндау уақыт құрылғылардың толық тексеруден өтуі үшін, қабылдау, кемелерді жүктен босату және астықты тұтынушыларға жөнелту процессінің тұрақталуы үшін қажет",- деді сұхбаттасушы.
Ол сондай-ақ, 2007 жыл ішінде терминалдың жанында диірмен құрылысын салуды бастау жоспарланып отырғанын атап өтті. "Терминал аумағында ұн өндірісін салу жөніндегі бас шешім қабылданған. Сонымен қатар, ұн өндірісін салу жобасы мен дайындық жұмыстары басталып кеткен, және де бұл жұмыстарды Қазақстан жағынан қаржыландыру осы күнде жүзеге асты. Изербайжан жағынан бірқатар техникалық мәселелерді реттеу қажет. Сондай-ақ, құрылғыларды тасымалдаушыларды анықтаймыз, сонан кейін ғана сәйкес тендер жарияланып, нақты жұмыстар басталады. Құрылысты осы жыл ішінде бастауды жоспарлап отырмыз, бірақ әзірге нақты мерізімді атау қиын",- деп атап өтті терминалдағылар.
"Баку астық терминалы" ААҚ Изербайжан - Қазақстанның біріккен кәсіпорыны болып табылады. Ол Изербайжанның "Планета Л" және Қазақстанның "Азық-түлік келісім-шарты корпорациясы" АҚ қатысуымен құрылған Терминал Говсаны аулында орналасқан. Терминал салу туралы шешім Изербайжанның президенті Ильхам Илиевтың 2004 жылдың көктеміндегі Қазақстанға ресми сапары барысында қабылданған. Терминалдың іргетасы Бакуде 2006 жылдың 6-мамырында қаланды. Жобаның құны 6 млн АҚШ долларын құрайды. Изербайжанның астыққа деген жылдық мұқтаждығы - 3 млн тоннадан асып жығылады, оның 1 млн-нан астамы импортталады.
Терминалдың қуаттылығы жылына 500-ден 800 мың тоннаға дейінгі астықты құрайды. Қазақстаннан астық Ақтау айлағынан теңіз арқылы тасымалданады. Кәсіпорынның іс-қызметі тек Изербайжанның астыққа деген мұқтаждығын қанағаттандырып қана қоймай, оны Грузия, Түркия және Солтүстік Африкаға экспорттауға мүмкіндік береді.
Изербайжандағы Қазақстан Республикасының елшілігінен Kazakhstan Today агенттігінің тілшісіне хабарлағандай, Қазақстан Республикасының премьер-министрі Кәрім Мәсімовтың жұмыс сапарының бағдарламасы әзірге толық нақтыланған жоқ. Қазақстандық үкімет делегациясы Бакуге 3-сәуірде кешке келеді. Жұмыс сапарлары үш күнге созылады, сапар барысында Қазақстан Республикасының үкімет басшысы Изербайжанның ресми тұлғаларымен, соның ішінде өзінің әзербайжандық әріптесі Артур Расиздамен кездеседі. Кездесу барысында көлік және энергетика салаларындағы ынтымақтастық мәселелері, сонымен қатар, сауда-экономикалық байланыстарды кеңейту, Еуразиялық кеңістіктегі ынтымақтастықтың болашағы мәселелері талқыланады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Бакуде астық терминалын пайдалануға беру салтанаты 4-сәуірде өтеді
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.