Балқаштағы катодты мыс зауыты 5 ай ішінде 3400 тонна өнім шығарды
"Қоңырат ауылындағы "Сары Қазына" ЖШС катодты мыс зауыты да Балқаш аймағының экономикалық дамуына өз үлесін қосып отыр. Зауыт басшылығының ақпараты бойынша, бұл кәсіпорын жұмысқа кіріскен бірінші айдан-ақ жоспарланған жобалық қуаттылыққа шыққан. Ағымдағы жылдың мамыр мен қыркүйек айларында шығарылған тауар көлемі 3400 тонна катодты мысты немесе тәулігіне 30 тоннаны құрады", - делінген хабарламада.
Балқаш. 25-қыркүйек. Kazakhstan Today - Қоңырат ауылындағы "Сары Қазына" ЖШС-ның ағымдағы жылдың мамыр мен қыркүйек айлары аралығында шығарған өнім көлемі 3400 тонна катодты мысты құраған, деп хабарлайды Kazakhstan Today агенттігінің тілшісі.
Бұл туралы Қарағанды облысы әкімінің баспасөз қызметінен хабарлады.
"Қоңырат ауылындағы "Сары Қазына" ЖШС катодты мыс зауыты да Балқаш аймағының экономикалық дамуына өз үлесін қосып отыр. Зауыт басшылығының ақпараты бойынша, бұл кәсіпорын жұмысқа кіріскен бірінші айдан-ақ жоспарланған жобалық қуаттылыққа шыққан. Ағымдағы жылдың мамыр мен қыркүйек айларында шығарылған тауар көлемі 3400 тонна катодты мысты немесе тәулігіне 30 тоннаны құрады", - делінген хабарламада.
Кәсіпорын ақпараты бойынша, зауытта 160 адам жұмыс істейді. Қазіргі уақытта "Сары Қазына" ЖШС кәсіпорны Шығыс Қоңырат бұрынғы кен орнының ауданында келешекте катодты мыс өндіру бойынша екінші зауыттың құрылысы үшін зерттеу жұмыстарын жүргізуде.
Облыстық әкімдіктің баспасөз қызметі мәлімдегендей, Балқаш қаласының өнеркәсіптік кәсіпорындары 8 ай ішінде 188 млрд теңгеден астам көлемде тауар өнімін шығарған. Бұл облыстық өнеркәсіптік кәсіпорын көлемінің 22%-нан асады. Негізгі капиталға 7,5 млрд теңге инвестиция салынған - бұл өткен жылғы деңгейден бір жарым есе артық.
Қалалық бюджетке 1 млрд 888 млн теңге түсті немесе жоспардың 106%-ы. Шағын бизнес те қарқынды дамып келеді. Бұл салада жыл басынан бері 7 млрд теңгеге (2011 жылдың сәйкес мерзіміне 108,6%) өнім шығарылып, жұмыстар жасалған және қызмет көрсетілген.
Экономиканың осы саласында жұмыс істейтіндердің де саны артты. Құрылыста тұрғын үй бойынша 8 айдың жоспары орындалып қойды. Халықты әлеуметтік қорғау бойынша жұмыстар жүргізілуде. Денсаулық сақтау, білім беру, мәдениет салаларында да оң өзгеріс байқалады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.