"Бәсекелестік туралы" үлгілік заң БЭК жағдайында Қазақстанның позициясын нығайтуға мүмкіндік береді - Н.Алдабергенов
ЕЭК министрі түсіндіргендей, келесі жылдан бастап Қазақстан Ресей мен Белорусьтің ашық электрондық сауда-саттығына кіреді, ал олар өз алдына Қазақстанның электрондық сауда-саттығына қатысады. Ресейде осы келісімдерге қарайтын монополияға қарсы органдар бар, ал Қазақстанда ол жоқ. Мұндай жағдайда бұл норманың да болғаны жөн.
Алматы. 28 желтоқсан. Kazakhstan today. Ағымдағы жылдың қараша айында үш мемлекеттің басшылары қол қойған "Бәсекелестік туралы" Үлгілік заң БЭК жағдайында Қазақстанның позициясын нығайтуға мүмкіндік береді. Бұл туралы Primeminister.kz сайты Еуразиялық экономикалық комиссияның бәсекелестік және монополияға қарсы реттеу бойынша алқа мүшесі (министр) Нұрлан Алдабергеновке сілтеме жасай отырып хабарлады.
"Қазір бізде бәсекелестік туралы үш заң бар, және үш мемлекеттің барлық үш заңы түрлі деңгейлерде. Шекараларымыз ашық болғандықтан, біздің алдымызда тұрған бірінші міндет - бұл жақындау болды, яғни біз ұлттық бәсекелестік заңнамаларымызды жақындатуымыз керек. Сондай-ақ үш заңнамада қажетті деп санаған нормаларды анықтауымыз керек. Қазақстан үшін заң бұзушылықтардың барлық түрлерін тоқтатуға мүмкіндік беретін нормалардың бар болғаны маңызды", - деді Н.Алдабергенов.
"Мемлекеттік сатып алулар бойынша бірінші норма - сауда-саттықтағы монополияға қарсы бақылау. Қазір Қазақстанда БҚА ол жұмысты жүргізбейді, ал Ресейде бұл норма қолданылады - бұл халықаралық тәжірибе. Ол Қазақстанға не үшін қажет", - деп жалғастырды ол.
ЕЭК министрі түсіндіргендей, келесі жылдан бастап Қазақстан Ресей мен Белорусьтің ашық электрондық сауда-саттығына кіреді, ал олар өз алдына Қазақстанның электрондық сауда-саттығына қатысады. Ресейде осы келісімдерге қарайтын монополияға қарсы органдар бар, ал Қазақстанда ол жоқ. Мұндай жағдайда бұл норманың да болғаны жөн.
"Заңның екінші нормасы - дисквалификация. Бұл ЕО елдерінде, АҚШ-да кеңінен қолданылатын норма. Егер кәсіпорын монополияға қарсы заңнаманы бірнеше рет бұзатын болса, айыппұлдардан бөлек оны 3 жылға дейінгі мерзімге біліктілігінен айырады. Ресейде бұл норма да бар, егер ол Қазақстанда болмаса, бұл Қазақстандағы ресейлік және белорустық кәсіпорындардың қайта тіркеуіне алып келуі мүмкін", - деп есептейді Н.Алдабергенов.
Оның пікірінше, Үлгілік заң бәсекелестік заңнамаға қажетті барлық қажет нормалардан тұрады. Басқаша айтқанда, олардың болуы Бірыңғай экономикалық кеңістік шарттарында Қазақстан позициясын нығайтады, барлық мүмкін заң бұзушылықтарды тоқтатады.
"Бәсекелестік шарттарында бізге нарықтарға ену маңызды, сәйкесінше біз үшін тең шарттар құру маңызды. Осыған қатысты Мемлекет басшысы Н.И.Назарбаев КО елдері нарықтарына ену жайлы айтып, алдымызға сондай мақсат қояды. Екінші міндет - тең бәсекелестік шарттарында өз нарығын қорғау. Заң кепілдемелік сипатқа ие, бұл нормаларды үш мемлекеттің заңнамаларына бір жылдың ішінде енгізу жоспарланған", - деп түйіндеді Н.Алдабергенов.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.