Система Orphus

Баспана сатып алу сұранысы ұсыныстан 1,5-2 есеге артық

08.12.2012, 16:22 2920

Астана. 8-желтоқсан. Kazakhstan Today - Баспана сатып алу сұранысы ұсыныстан 1,5-2 есеге артық, деп хабарлайды Kazakhstan Today агенттігінің тілшісі.

ҚазАқпарат агенттігінің хабарлауынша, "Тұрғын үй құрылысы жинақ банкімен" АҚ бойынша баспана сатып алуға сұраныс ұсыныстан 1,5-2 есеге дейін артық болып отыр.

Бүгін "Халықты тұрғын үймен қамтамасыз етудің жай-күйі мен перспективалары" атты тақырыпта өткен парламенттік тыңдауда "Қазақстан тұрғын үй құрылыс жинақ банкі" АҚ Басқарма төрайымы Нұрбүбі Наурызбаева осылай мәлім етті.

Басқарма төрайымының айтуынша, ағымдағы жылы "Қолжетімді тұрғын үй - 2020" бағдарламасы бекітілген соң, осы бағдарлама аясында "Тұрғын үй құрылыс жинақ банкі" 4,4 миллиард теңге сомасына несиелер беріп үлгерген.

"Қазіргі уақытта салынып жатқан 7 883 пәтерді сатып алуға 12 мыңға жуық өтініш түсті. Яғни, осы тұрғын үйлерге сұраныс ұсыныстан 1,5 есе, ал Алматы, Астана қалаларында 2 есе артық болып отыр. Жалпы, бүгінгі таңда бағдарламада көзделген тұрғын үйді пайдалануға берудің мақсатты көрсеткіштеріне қол жеткізілмегенін атап айту қажет. Мәселен, жергілікті атқару органдармен жасалған келісімдер бойынша 2012 жылғы 1 желтоқсандағы жағдайға сәйкес, жалпы ауданы 251 мың шаршы метр 3 840 пәтерлік 62 үй пайдалануға берілуі тиіс болса, нақты іс жүзінде жалпы ауданы 108 мың шаршы метр 1 573 пәтерлік 25 үй пайдалануға берілді", - дейді Н. Наурызбаева.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны