"Бастау-Бизнес" жобасы бойынша "Ауыл шаруашылығын қаржылай қолдау қоры" АҚ Қызылорда облыстық филиалы арқылы 8 қатысушыныӊ жобасы қаржыландырылды
Нәтижелі жұмыспен қамту және жаппай кәсіпкерлікті дамыту бағдарламасы аясында Қызылорда облысыныӊ кәсіпкерлер палатасы ауылдыӊ 367 азаматын "Бастау-Бизнес" жобасы аясында оқытып шықты
Қызылорда. 11 шілде. Kazakhstan Today - Қызылорда облысы "Бастау-Бизнес" жобасы бойынша оқытылған азаматтардыӊ жобасын қаржыландыра бастады.
"Бастау-Бизнес" жобасыныӊ екі легініӊ қорытындысымен "Ауыл шаруашылығын қаржылай қолдау қоры" АҚ Қызылорда облыстық филиалы арқылы 8 қатысушыныӊ жобасын қаржыландырды.
Атап өткен жөн, Нәтижелі жұмыспен қамту және жаппай кәсіпкерлікті дамыту бағдарламасы аясында Қызылорда облысыныӊ кәсіпкерлер палатасы ауылдыӊ 367 азаматын "Бастау-Бизнес" жобасы аясында оқытып шықты.
"Бастау-Бизнес" жобасы "Жаппай кәсіпкерлікті дамыту" бағыты бойынша кәсіпкерлік негіздеріне оқытуға, кәсіпкерлік бастамаларды қолдауға бағытталған.
Жобаныӊ қатысушылары ауылдық жерлердегі кәсіпкерлікпен айналысуға әлеуеті бар, өзін-өзі жұмыспен қамтыған азаматтар мен жұмыссыз азаматтар.
"Бастау-Бизнес" жобасы бойынша өӊірдегі қазіргі таӊда пилоттыұ режимде Арал, Қазалы, Қармақшы, Шиелі, Жаӊақорған аудандарыныӊ тұрғындары оқытылуда. Жыл соӊына дейін алты легпен 937 адамды оқыту жоспарланған. Бүгінгі күнге дейін оқытудыӊ екі легі аяқталып, 367 қызылордалық оқып шықты. Қазір үшінші легтіӊ азаматтарын оқытуды бастадық. Үшінші легке 168 азамат өтінім беріп, оныӊ 157-сі тестілеуден сәтті өтті", - дейді Кәсіпкерлер палатасыныӊ директоры Ғалымбек Жақсылықов.
Оқу процесі барысында қатысушылар бизнес-тренермен бірге бизнес-жоспарларын әзірлеп, әр легтіӊ қорытындысымен қатысушылар жобаларын Палата жанындағы облыстық комиссия алдында қорғап шығады. Комиссия құрамына "Ауыл шаруашылығын қаржылай қолдау қоры" АҚ, "ҚазАгроГарант" АҚ, "Қызылорда" Өӊірлік инвестициялық орталығы Микро қаржылық ұйымы" ЖШС өкілдері мен жергілікті атқарушы орган өкілдері енгізілген. Жобасын сәтті қорғап шыққан азаматтарды Кәсіпкерлер палатасы жоғарыда аталған қарды ұйымдарына қаржыландыру үшін ұсынады.
"Бастау-Бизнес" жобасыныӊ екі легініӊ қорытындысы бойынша "Ауыл шаруашылығын қаржылай қолдау қоры" АҚ Қызылорда облыстық филиалы арқылы 8 қатысушыныӊ жобасы қаржыландырылды. Бұл Қармақшы ауданы тұрғындарыныӊ жобалары. Бүгінгі таӊда Қор өзге де аудандардағы қатысушылардыӊ жобаларын қаржыландыру үшін зерттеп, қарап жатыр", - дейді "Ауыл шаруашылығын қаржылай қолдау қоры" АҚ Қызылорда облыстық филиалы директорыныӊ орынбасары Байәділ Садиев.
"Өз ісімді, отбасылық бизнес түрін ашуды көптен армандап жүргем. "Бастау-Бизнес" жобасыныӊ бірінші легінде бір ай көлемінде оқып, біліктілігімді жетілдірдім. Наубайхана ашу жөніндегі бизнес-жоспарымды облыстық комиссия алдында қорғап, нәтижесінде "Ауыл шаруашылығын қаржылай қолдау қоры" жобамды қаржыландырды. 4 миллион теӊге несие алдым. Қуанышымда шек жоқ. Мемлекеттіӊ қолдауыныӊ арқасында отбасымда жұмыспен қамтылып отыр",-дейді жас кәсіпкер Ғайни Бекеева.
Қызылорда облысы кәсіпкерлер палатасыныӊ баспасөз қызметі
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.