"Батыс Еуропа - Батыс Қытай" жобасының жүзеге асырылуына 2009 жылы 31 млрд теңге бөлінген
"Батыс Еуропа - Батыс Қытай" жобасының жүзеге асырылуына 2009 жылы 31 млрд теңге бөлінген
Астана. 12 маусым. "Қазақстан Бүгін" - "Батыс Еуропа - Батыс Қытай" жобасының жүзеге асырылуына 2009 жылы 31 млрд теңге бөлінген. Бұл туралы бүгін Қазақстан Республикасы Көлік және коммуникация министрі Ибілғазы Құсайынов "Ұлы Жібек Жолының жандануы: ниеттен жүзеге асырғанға дейін" тақырыбында баспасөз мәслихатында мәлім етті, деп хабарлайды "Қазақстан Бүгін" агенттігі министрліктің баспасөз қызметіне сілтеме жасап.
И.Құсайыновтың айтуынша, "Батыс Еуропа - Батыс Қытай" жобасы негізгі Қытай - Қазақстан, Қытай - Орта Азия және Қытай - Ресей - Батыс Еуропа бағыттары бойынша жүк тасымалын қамтамасыз етуі тиіс.
Министрлік мәліметінше, 2007 жылы жасалған техникалық экономикалық негіздемеге (ТЭН) сәйкес жобаның құны 804 млрд теңгені құрап отыр. Қазақстан Республикасы бойынша дәліз ұзақтығы 2 787 шақырымды құрап, оның ішінде 2 452 шақырымы қайта жөндеуге жатады. Жобаны қаржыландыру республикалық бюджет, халықаралық қаржы институттарынан сыртқы несиелер және концессиялық негіздегі меншік инвестициялар негізінде жүзеге асыру жоспарланған.
2007 жылдан бері құрылыс жұмыстары жүргізіліп жатқан Қарабұтақ - Ырғыз - Қызылорда облысының шекарасы учаскесін республикалық бюджетінен қаржыландыруды жалғастыру жоспарланып отыр. Ұзақтығы 215 шақырым жол құны 21,3 млрд теңге (177,5 млн.$) құрап отыр.
Жалпы сомасы 3 519 млн долларды құрайтын халықаралық қаржы институттарының сыртқы несиелері Ресей Федерация шекарасы (Мартук) - Ақтөбе, Ақтөбе облысының шекарасы - Қызылорда - Шымкент және де Оңтүстік Қазақстан облыс шекарасы - Алматы облыс шекарасы учаскелеріндегі жұмыстарға бағытталады.
Концессиялық негізіндегі меншік инвестицияларын Алматы - Қорғас, Ташкент - Шымкент - Жамбыл облыс шекарасы учаскелерін қайта жөндеу жұмыстарына тартуға жоспарланған.
2009 жылдың бюджетінде бұл жобаның жүзеге асырылуына 31 млрд теңге бөлінген. Осы қаражат арқасында ағымдағы жылы Қарабұтақ - Ырғыз учаскесінде жұмыстарды жалғастырып және Жамбыл және Қызылорда облыстарында 972 шақырымға керек материал дайындап, мобилизация өткізу жоспарланып отыр. Кең ауқымды құрылыс жұмыстары 2010 жылы басталып, шектестерін санамағанда 50 мыңға дейін жұмыс орындары құрылатын болады.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.