Батыс Қазақстан облысында "Іскерлік климат - 2018" жобасы шеңберінде бизнес саласында жүргізілген әлеуметтік сауалнаманың қорытындысы жарияланды
Сауалнама нәтижесінде анықталғандай, сыбайлас жемқорлық факторларына көп жағдайда кәсіпкерлердің өздері бастамашы болады екен. Бұл ретте олар мемлекет тарапынан тегін көрсетілетін қызмет үшін пара ұсынатын көрінеді.
Орал. 17 маусым. Kazakhstan Today - Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі Батыс Қазақстан облыстық департаменті "Ақжайық - адалдық алаңы" жобалық кеңсесімен бірлесе отырып "Іскерлік климат - 2018" жобасы шеңберінде бизнес саласында жүргізілген әлеуметтік сауалнаманың қорытындысын жария етті. Белгілі болғанындай, тұрмыстық сыбайлас жемқорлық деректері барлық дерлік салада бар болып шықты, ал сыбайлас жемқорлық іс-әрекеттеріне мемлекеттік органдардың өкілдері де, олардың қызметтерін тұтынушылар да тең дәрежеде бастамашы болатыны белгілі болған. Сыбайлас жемқорлық схемаларына жүгіну себептерін атай отырып, сауалнамаға қатысушылар талаптар санының көптігін, тексерулердің жиілігін және кәсіпкерлердің жауапкершіліктен жалтару ниетін алға тартқан.
Болат Исақов, Мемлекеттік қызмет істері және сыбайлас жемқорлыққа қарсы іс-қимыл агенттігі Батыс Қазақстан облыстық департаментінің басшысы: "өңірлік тілікте алатын болсақ, Алматы, Қызылорда, Батыс Қазақстан, Маңғыстау және Түркістан облыстарында параның барынша өсуі байқалып отыр. Батыс Қазақстан облысында тіркелген орташа пара мөлшері 750 мың теңгені құраған. Бұл орайда аса ірі көлемдегі пара тіркелген құрылымдардың арасында экономикалық тексерулер қызметі мен монополияға қарсы күрес қызметі аталған".
Сауалнама нәтижесінде анықталғандай, сыбайлас жемқорлық факторларына көп жағдайда кәсіпкерлердің өздері бастамашы болады екен. Бұл ретте олар мемлекет тарапынан тегін көрсетілетін қызмет үшін пара ұсынатын көрінеді. Мемлекеттік қызмет істері және сыбайлас жемқорлыққа қарсы іс-қимыл агенттігі Батыс Қазақстан облыстық департаментінің басшысы атап өткендей, "сыбайлас жемқорлық Сәулет және қала құрылысы, Жер қатынастары және мемлекеттік сәулетшілік бақылау басқармаларында жиі таралған.Құрылыс, жер қатынастары, құрылыс немесе қайта жобалау, жер телімін алу, олардың мақсатын өзгерту және тәркілеп алу мәселелері сыбайлас жемқорлыққа барынша душар болу қаупі бар салалар болып табылады ".
Сыбайлас жемқорлыққа душар болу қаупі ең аз салаларға респонденттер салық органдары мен өрт сөндіру қызметін жатқызған. Бірінші кезекте бұл саладағы үдерістердің барынша автоматтандырылуымен түсіндіріледі. Бүгінгі күні салық органдары ұсынатын қызметтердің 95%-дан астамы электрондық түрде ұсынылады. Бұл сыбайлас жемқорлықтың кез-келген көрінісін азайту ісінде аса маңызды факторға цифрландыру жататынын тағы бір рет дәлелдесе керек.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.