Бірыңғай нарық Қазақстанға Еуропаның тұтыну нарығына шығуға мүмкіндік береді- Р.Сұлтанов
Бірыңғай нарық Қазақстанға Еуропаның тұтыну нарығына шығуға жол ашады. Бұл туралы бүгін ҚР Президенті жанындағы Орталық коммуникациялар қызметінің брифингінде ҚР ЭБЖМ "Сауда саясатын дамыту орталығы" АҚ бас директоры Руслан Сұлтанов мәлімдеді.
Алматы. 19 мамыр. Kazakhstan today. Бірыңғай нарық Қазақстанға Еуропаның тұтыну нарығына шығуға жол ашады. Бұл туралы бүгін ҚР Президенті жанындағы Орталық коммуникациялар қызметінің брифингінде ҚР ЭБЖМ "Сауда саясатын дамыту орталығы" АҚ бас директоры Руслан Сұлтанов мәлімдеді.
"Бірыңғай нарық Қазақстанның Еуропадағы тұтыну нарығына шығуына жол ашады және ҚХР мен ЕО-ның қуатты экономикасының арасындағы өткелге айналады. Интеграцияның басты мақсаты ретінде экономиканы жаңғырта отырып және оны біздің халықтың әлеуметтік деңгейін арттыру құралына айналатынын түйсіне отырып Мемлекет басшысы сыртқы саясаттың алдағы уақыттағы бағыттары - еуразиялық кеңістіктегі интеграциялық байланыстардың дамуын айқындады", - деді ол.
Оның айтуынша, шикізаттық тәуелсіздік Беларусь пен Ресейдің экономикалық бірлесуіндегі басты себептерге айналып отыр.
"Кезеңдік еуразиялық интеграция ЕурАзЭҚ пен ТМД-ға енетін мемлекеттер арасындағы еркін сауда аймағы түріндегі барлық қасиеттеріне қол жеткізді. Саудадағы өзара артықшылық интеграцияның келесі реттегі дамуына алғышарт болды: Кедендік одақ елдері арасында барынша экономикалық жақындық қалыптасты. 2010 жылы жалпы 170 миллиондық нарық құру бәрінен бұрын ұлттық экономиканы жаңғырту мен кәсіпкерліктердің бәсекеге қабілеттіліктерін арттыруға бағытталған", - дейді Р.Сұлтанов.
Сонымен қатар, 2012 жылдың қаңтарында күшіне енген Бірыңғай экономикалық кеңістік тауар, қызмет, капитал мен адам ресурсының еркін айналымына мүмкіндік беруге арналған интеграцияның тереңдетіле түскен формасы болып табылады", - деді ол.
Естеріңізге сала кетейік, еуразиялық интеграция идеясын Мемлекет басшысы 1994 жылы М.Гумилев атындағы ММУ-де айтқан болатын.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.