Бірқатар кәсіпкерлер өз кәсіпорындарында бақылау-кассалық машиналарды қолданудан босатылды
ҚР Қаржы министрлігінің Салық комитеті бақылау-кассалық машиналарды (БКМ) қолданудың жаңа тәртібін енгізді.
Алматы. 11 шілде. Kazakhstan today. ҚР Қаржы министрлігінің Салық комитеті бақылау-кассалық машиналарды (БКМ) қолданудың жаңа тәртібін енгізді.
Жанармай, дизельді отын, алкоголь өнімін көтерме және бөлшек өткізуді жүзеге асыратын салық төлеушілердің 2014 жылғы 1 шілдеден бастап мәліметтерді беру функциясы бар БКМ қолдануға міндеттелгені белгілі.
Осы ережеге сәйкес, аумағында жалпы қолдану коммуникацияларының желісі жоқ салық төлеушілер БКМ қолданудан босатылады. Бұл өзгерістер ҚР "Салық және бюджетке төленетін басқа да міндетті төлемдер" Кодексі бабының 1 тармағына енгізілді.
Сонымен қатар, егер салық төлеушілер мәліметтерді беру функциясы бар БКМ қолданса, онда БКМ болуы және қолдану мәселелері бойынша тақырыптық тексеріс жүргізілмейді. Бұл жаңа енгізілімдердің тағы бір жағымды жағы. Үстіміздегі жылдың 1 тоқсанында ірі салық төлеушілердің қатысуымен БКМ жаңа үлгілерін сынақтан өткізу мақсатында пилоттық жоба іске қосылғанын айта кету керек.
Сонымен бірге, ҚР ҚМ СК өкілдерінен, Техникалық ықзмет көрсету орталықтарының (ТҚКО), БКМ дистрибьюторларынан мәліметтерді беру функциясы бар БКМ жаңа үлгілерін қолдануға және оларға техникалық талаптарды бекітуге көшу бойынша іс-шараларды ұйымдастыру бойынша жұмыс тобы құрылды.
Қазіргі уақытта тестілік сынақтар аяқталды, алынған нәтижелер базасында жаңа буын аппараттарына қойылатын Техникалық талаптар жобасы жасалды. Осы талаптарды бекіткен сәттен бастап дистрибьюторлар республика нарығына осындай БКМ тапсырысы мен жеткізілуін қамтамасыз етеді.
Осылайша, Қазақстан нарығына жаңа үлгідегі БКМ келіп түсу көлеміне қарай салық төлеушілер осындай қызметтер ұсынатын ТҚКО арқылы әрекеттегі тәртіп бойынша жаңа БКМ сатып алып, орната алады.
Сонымен бірге, кәсіпкерлік қоғамдастықтың алаңдаушылығы мен POS-терминалдарды енгізу тәжірибесін ескере отырып, қызметтің жоғарыда көрсетілген түрлерін жүзеге асырушы салық төлеушілердің мәліметтерді беру функциясы бар БКМ қолдану бойынша міндеттемелерінің мерзімін 2015 жылғы 1 шілдеге ауыстыру туралы шешім қабылданды.
"ҚР кейбір заңнамалық актілеріне кәсіпкерлік қызмет үшін жағдайды жақсарту жөніндегі түбегейлі шаралар бойынша өзгертулер мен толықтырулар енгізу туралы" ҚР Заңының жобасында сәйкес түзетулер ескерілген. Түзетулерді жасаған ҚР Өңірлік даму министрлігі болды.
Сонымен қатар, салық төлеушілерге көмек көрсету мақсатында Жол картасы жасалуда. Онда БКМ сатып алудан бастап оларды салық органында тіркеу есебіне қойғанға дейінгі сәттер егжей-тегжейлі жазылатын болады.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.