Бірыңғай QR: Ұлттық банк бизнеске комиссияларға қатысты негізгі сұрақтарға жауап берді
Сурет: Depositphotos
Қазақстан Ұлттық банкі жаңа банкаралық мобильді төлемдер жүйесінің жұмыс тәртібін түсіндіріп, Бірыңғай QR арқылы төлем жасау кезінде кәсіпкерлер мен банктер үшін комиссиялардың қалай қалыптасатынын түсіндірді, деп хабарлайды агенттік тілшісі.
"Бұл бизнес үшін төлем қабылдау және клиенттерге қызмет көрсету мүмкіндіктерінің кеңейетінін білдіреді. Енді төлем карталарымен есеп айырысудан бөлек, қолданыстағы терминал арқылы кез келген басқа банктің QR-төлемдерін де қабылдауға болады", - деп мәлімдеді баспасөз қызметінен.
Сонымен қатар, Ұлттық банк Бірыңғай QR арқылы төлем жасау сатып алушылар үшін тегін екенін атап өтті.
"Бұл ретте заңнамада маңызды талап бар: банкаралық төлем кезінде Бірыңғай QR арқылы орындалатын төлем комиссиясы бизнес үшін өзге банктің картасымен төлем жасаған кезде ұсталатын комиссиядан жоғары болмауға тиіс", - деп атап өтті баспасөз қызметінен.
Осылайша, кәсіпкерлер Бірыңғай QR арқылы төлем қабылдағанда басқа кез келген банктің картасымен жасалған ұқсас транзакция құнынан артық шығын әкелмейтініне кепілдік беріледі.
"Егер сатып алушы мен сатушының терминалына бір банк қызмет көрсетсе, тарифті сол банктің өзі белгілейді",- деп көрсетілген хабарламада.
Егер банктер әртүрлі болса, кәсіпкер үшін комиссия былай қалыптасады:
- 1%-ы - сатып алушының банкіне кетеді (сатып алушының банкіне сатушының банкі төлейтін interchange банкаралық комиссиясы). Оның бір бөлігін банк клиенттерге бонус пен кэшбек түрінде қайтара алады. Яғни, комиссияның осы бөлігі бонус бағдарламаларын қаржыландырады;
- Қалған соманы қолма-қол ақшасыз төлем қабылдағаны үшін кәсіпкерге қызмет көрсетуші банк алады.
"Осы сомадан сатып алушының банкі мен мен кәсіпкердің банкі жүйеге операторлық қызмет көрсеткені үшін ҰТК-ға төлейді: телефон нөмірі арқылы орындалатын аударымға - 0 теңге, ал Бірыңғай QR бойынша төлемге - 0,05%. Осылайша, ҰТК телефон нөмірі арқылы өңделетін банкаралық аударымдар үшін банктен де, олардың клиентінен де ешқандай комиссия ұстамайды",- деп жазады баспасөз қызметінен.
Естеріңізге сала кетсек, 2026 жылдың 19 шілдесінен бастап Қазақстанда жаңа банкаралық мобильді төлемдер жүйесі іске қосылды. Ол кез келген банктің POS-терминалы арқылы Бірыңғай QR-код көмегімен төлем жасауға мүмкіндік береді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.