Болжамдар бойынша Маңғыстау облысында 2008 жылы түсетін төлемдер мен салық көлемі 55,1 млрд теңгені құрайды
Болжамдар бойынша Маңғыстау облысында 2008 жылы түсетін төлемдер мен салық көлемі 55,1 млрд теңгені құрайды
Ақтау. 31 наурыз. "Қазақстан Бүгін" - Болжамдар бойынша Маңғыстау облысында 2008 жылы түсетін кедендік төлемдер мен салық көлемі 55,1 млрд теңгені құрауы мүмкін. Бұл туралы бүгін өткен баспасөз мәслихатында облыстық кедендік бақылау департаментінің бастығы Александр Сарсембеков құлағдар етті, деп хабарлайды агенттік тілшісі.
Оның сөздері бойынша, салықтар мен кедендік төлемдер мөлшерінің болжамдар тапсырмасы 39,1% ұлғайтылды. Ал 2007 жылдың қорытындысы бойынша ондай төлемдер жоспары 39,6 млрд теңгені құрады. Департамент болжамдық тапсырманың 99,4% орындалуын қамтамасыз етті.
А. Сарсембеков атап өткеніндей, 2008 жылдың 27 наурызында Маңғыстау облысының кедендік бақылау комитетінің департаменті мемлекетке кедендік төлемдер мен салықтардың 7,5 млрд теңге көлемінде кірісін қамтамасыз етті. "Өткен 2007 жылмен салыстырғанда бұл түсім көлемі 5,1% артық болды", - деп атап өтті ол.
Облыстық кедендік бақылау департаментінің мәліметтері бойынша, 2008 жылдың наурыз айының аяғында сыртқы сауда айналымы $2,2 млрд жетіп, бұл өткен жылмен салыстырғанда 57,6% артық ($1,4 млрд). Сонымен бірге тауар импорты мен көлік құрамы $391,1 млн құрап, экспорт мөлшері - 1,8 млрд теңгеге жетті.
Сондай-ақ, есептік кезең бойынша, аймақтан 2 млн 700,785 мың тонна мұнай сыртқа шығарылып, оның жалпы құны 1,7 млрд теңгені құрады.
Жалпы жүк айналымының көлемі 3 млн 234 мың 225 тоннаны құраса, оның 233 785 тоннасы импорт үлесінде, ал 3 млн тоннасы экспорт болды.
Биылғы жылдың наурыз айының соңында 5577 кедендік жүк декларациясы толтырылды. Бұл көрсеткіш 2007 жылмен салыстырғанда 7,9% артық (5171).
Осы кезең аралығында 2008 жылы 20 паром, 241 мұнай құятын танкер және 129 құрғақ жүк рәсімделді. Ақтау әуе жайында 831 халықаралық әуе рейсі өткізілді.
А. Сарсембеков атап өткеніндей, жыл басынан бері кедендік ережелерді бұзғандығы үшін 127 әкімшіліктік іс қозғалып 15,7 млн теңгеге айыппұл салынды. Сот шешімімен мемлекет есебіне 122 мың теңгеге тауарлар мен көлік кәмпескіленді. 5 қылмыстық іс қозғалып, 2,645 грамм есірткі заты тәркіленді.
Ол хабарлағанындай, есеп беру кезеңі ішінде ішкі қауіпсіздік бөлімі бес қызметкерді тәртіптік жауапқа тартып, үшеуіне қатысты сыбайлас жемқорлық карточкалары қолданылды.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.