"Бозой" компрессорлық станциясында ТМД аумағында теӊдесі жоқ газ айдау агрегаты іске қосылды
Қазақстан мен Қытай арасындағы дипломатиялық қарым-қатынастыӊ 25 жылдығын атап өту шеӊберінде Ұлттық оператор "ҚазТрансГаз" АҚ мен "Trans-AsiaGasPipelineCompanyLimited" компаниялары "Бейнеу-Бозой-Шымкент" (ББШ) магистральдық газ құбырыныӊ (МГҚ) "Бозой" компрессорлық станциясында (КС) газ айдау агрегатын пайдалануға енгізді.
Астана. 14 сәуір. Kazakhstan Today - Қазақстан мен Қытай арасындағы дипломатиялық қарым-қатынастыӊ 25 жылдығын атап өту шеӊберінде Ұлттық оператор "ҚазТрансГаз" АҚ мен "Trans-AsiaGasPipelineCompanyLimited" компаниялары "Бейнеу-Бозой-Шымкент" (ББШ) магистральдық газ құбырыныӊ (МГҚ) "Бозой" компрессорлық станциясында (КС) газ айдау агрегатын пайдалануға енгізді.
"Бозой" компрессорлық станциясы еӊ озық технологиямен жабдықталған кешен және оныӊ түрлі қысымдағы екі газ құбырынан газқабылдай алатын бірегей мүмкіндігі бар. Газ "Бұқара-Орал" және "Орта Азия-Орталық" МГҚ алынатын болады. Компрессорлық станция арнайы тапсырыс бойынша жасалған және әлемдік практикада бұрын қолданылмаған инновациялық "back-to-back"газайдау агрегаттарымен жабдықталған.
Газайдау агрегаттарын іске қосу шарасынБірыӊғай диспетчерлік пунктте"ҚазМұнайГаз" ҰКАҚ Басқарма төрағасы С.М.Мыӊбаев, "ҚазМұнайГаз" ҰК АҚ вице-президенті Қ.Қ.Шәріпбаев және CNPC корпорациясыныӊ бас директоры Чжан Цзяньхуа жүзеге асырды.
Салтанатты шара барысында сөз алған "ҚазМұнайГаз" ҰК АҚ Басқарма төрағасы С.М.Мыӊбаевқытайлық әріптестерге бірлескен жұмыс үшін алғыс білдіріп, бұл жоба Елбасы Нұрсұлтан Назарбаевтыӊ газ саласыныӊ алдына қойған маӊызды міндеттердіӊ бірін шешуге зор ықпалын тигізгенін атап өтті. "Біз бүгін еліміздіӊ газ саласы үшін маӊызы зор оқиғаныӊ куәсі болып отырмыз. "Бейнеу-Бозой-Шымкент" МГҚ салу ""Бозой" КС салу Қазақстан мен Қытай Халық Республикасы үшін аса маӊызды болып отыр. КС салу туралы шешімніӊ қаншалықты өзекті және уақытылы қолға алынған жоба екендігін шешімін тапқан мына мәселелерден-ақ аӊғаруға болады, яғни салынып жатқан "Қараөзек" КС іске қосылған соӊ газ гасымалдауды жылына 10 млрд. текше метрге дейін ұлғайтуға мүмкіндік туды. "Бейнеу-Бозой-Шымкент" магистральдық газ құбырыныӊ тиімділігі артты және еліміздіӊ батыс өӊірлерінен оӊтүстік облыстарына үздіксіз газ беру қамтамасыз етілді".
CNPC корпорациясыныӊ бас директоры Чжан Цзяньхуа Қазақстан мен Қытайдыӊ әріптестігініӊ маӊызы үлкен екенін атап өтті. "Бозой" КС іске қосылуы ҚазМұнайГаз, ҚазТрансГаз және CNPC компанияларыныӊ бірлескен жұмысындағы үлкен кезеӊ. Бұл жоба әлдеқайда көбірек қазақстандықтар көгілдір отынныӊ қызығын көріп, Қытайға газ экспорттауға мүмкіндік береді. Қытай мемлекетініӊ "Бір белдеу-бір жол" атты бастамасы Қазақстан Президентініӊ инфрақұрылымды дамытуға арналған "Нұрлы жол" бағдарламасымен үндестік тауып отыр" - деп атап өтті Чжан Цзяньхуа.
"ББШ" МГҚ тәуелсіз Қазақстан тарихындағы ірі құбыржолы жобасы болып табылады. Оныӊ құрылысын салуүдемелі индустриялық-иновациялық даму жөніндегі мемлекеттік бағдарламаға енгізіліп, еліміздіӊ энергетикалық қауіпсіздігі мен тәуелсіздігін нығайтуға, қазақстандық газ экспортын әртараптандыруға бағытталған.
"Бозой" КС пайдалануға енгізу, егемен Қазақстанныӊ газ саласы тарихындағы және "Ұлы дала энергиясын" игеру жолындағы мәресіне жеткізілген тағы бір маӊызды бастама.Бүгінгі оқиға "ҚазТрансГаз" компаниясыныӊ стратегиялық басымдығына сәйкес іске асырылды, ол еліміздіӊ оӊтүстік өӊірлерінотандық көгілдір отынмен қамтамасыз етуге, сондай-ақ Қазақстанныӊ Қытай Халық Республикасымен достық қарым-қатынасын нығайтуға мүмкіндік береді.
АНЫҚТАМАЛЫҚ:
Жаӊа "Бозой" КСАқтөбе облысында "ББШ" магистральдық газ құбырыныӊ 311 шақырымында салынған.2011 жылғы қаӊтар айында қазақстандық "ҚазТрансГаз" АҚжәне қытайлық "Trans-Asia Gas Pipeline Company Limited" компанияларымен теӊ үлестік негізде "Бейнеу-Шымкент газ құбары" ЖШС құрып, жобаны іске асырудыӊ іргетасы қаланған болатын. Газ құбырын салу 2012 жылғы тамыз айында басталды. Жалпы ұзындығы 1166 км болатын "Бозой - Шымкент" учаскесін салу 2013 жылғы қыркүйек айында аяқталды. Ұзындығы 311 км болатын "Бозой - Шымкент" учаскесін пайдалануға енгізу 2015 жылғы қараша айында аяқталды.
Газ құбырын пайдалануға енгізу,Қазақстан Республикасыныӊ барлық магистральдық газ құбырларын: "Союз", "Орта Азия - Орталық", "Бұхара - Орал", "Бұхара газды ауданы - Ташкент - Бішкек - Алматы", "Газли - Шымкент", "Қазақстан - Қытай"газ құбырын бірыӊғай газ тасымалы жүйесіне біріктіруге мүмкіндік берді.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.