БТА банкінің Басқарма төрағасы өзгерді
Бұл шараға кредиторлардың өкілі де қатысқан. Ал өз өтініші бойынша Басқарма төрағасының 1-орынбасары Николай Варенконың өкілеттігі тоқтатылып, оның орнына қаңтар айынан бері Басқарма төрағасы міндетін атқарып келген Асхат Бесенбеков тағайындалып отыр.
Алматы. 17-сәуір. Kazakhstan Today - Бүгін "БТА банкі" АҚ Директорлар кеңесінің жаңа құрамы алғашқы мәжілісінде Ерік Жұмаханұлы Балапановты Басқарма төрағасы етіп тағайындау туралы шешім шығарғанын хабарлады., деп хабарлайды Kazakhstan Today агенттігінің тілшісі.
ҚазАқпарат агенттігінің хабарлауынша, бұл шараға кредиторлардың өкілі де қатысқан. Ал өз өтініші бойынша Басқарма төрағасының 1-орынбасары Николай Варенконың өкілеттігі тоқтатылып, оның орнына қаңтар айынан бері Басқарма төрағасы міндетін атқарып келген Асхат Бесенбеков тағайындалып отыр. Онда сондай-ақ, тәукел-менеджменті жөніндегі директор Жанна Ахметжанова, қаржылық блок жөніндегі директор Наталья Логинова мен бөлшек бизнес жөніндегі директор Күнсұлу Қапбасованы Басқарма мүшесі боп сайланды.
"Ерік Жұмаханұлының банк бизнесіндегі тәжірибесі біздің қаржы институтымыз үшін маңызды. Бұл тағайындауды акционерлер мен Директорлар кеңесі қарызды қайта құрылымдауды сәтті өткізу, банк жұмысын тұрақтандыру, оны кірістілігі мен қаржылық қызмет нарығындағы ұстанымына оралу жоспарымен байланыстырады", - дейді Директорлар кеңесінің төрағасы Инуар Сәйденов.
4 маусымда 54 жасқа толатын экономика ғылымының кандидаты Ерік Жұмаханұлы Балапанов 1968 жылы Алматыда өмірге келген. 1989 жылы Алматы халық шаруашылығы институтын (экономист), 1997 жылы Еуразия нарық институтын (қаржыгер) бітірді. 1995-1997 жылдары Тұранбанкінде валюталық операциялар басқармасының бастығы, операциялық департамент директоры, ТұранИлем банкі Басқарма төрағасының орынбасары. 1998 жылы Алматы коммерциялық банкі Басқарма төрағасының міндетін атқарушы, Қазкоммерцбанктің Басқарма төрағасының кеңесшісі, "Нан өнімдері" компаниясының Директорлар кеңесінің төрағасы. 2001 жылдан "Қазақстан даму банкінің Басқарушы директоры, 2003 жылы Қазкоммерцбанктің корпоративтік несиелеу жөніндегі басқарушы мүшесі, Басқарма мүшесі. 2005 жылдан "Қазкоммерцбанк Қырғызстан" АҚ-ның Директорлар кеңесінің мүшесі, 2009 жылдан "Грантум ЗЖҚ" АҚ-ның Директорлар кеңесінің төрағасы, "Казкоммерц- Life" және " "Казкоммерц-Полис сақтандыру компанияларының Директорлар кеңесінің жетекшісі болды. Ал 20011 жылы 11 сәуірде "Самұрық-Қазына" ұлттық әл-ауқат қорының өкілі ретінде "БТА банк" АҚ-ның Директор кеңесінің құрамына кірді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.