БТС-2 құбыры "Сургутнефтегаз" ресурсы мен Қазақстанның мұнай экспортының есебінен толтырылады
БТС-2 құбыры "Сургутнефтегаз" ресурсы мен Қазақстанның мұнай экспортының есебінен толтырылады
Алматы. 19 мамыр. "Қазақстан Бүгін" - БТС-2 құбыры "Сургутнефтегаз" ресурсы мен Қазақстанның мұнай экспортының есебінен толтырылады, деп хабарлайды "Қазақстан Бүгін" агенттігінің тілшісі "РБК daily" ақпаратына сілтеме жасай отырып.
"Транснефть" БТС-2 құбырын толтыратын қажетті мұнай көлемін тапты. Ресейдің мемлекеттік компаниясы бүгінгі таңда Украинаның порттары арқылы экспортқа шығып жатқан мұнайға, "Сургутнефтегаздың" экспорттық ағынының бір бөлігіне және Қазақстаннан шығатын жанармай транзитінің артуына назар аудармақ.
Ресей Федерациясының Энергетика министрлігіне жақын ақпарат көзінің хабарлауынша, 18 сәуірде мемлекеттік компнаия ведомствоға ұсыныс енгізген. Сәуір айының соңына таман оны өзге де профильді ведомстволар мақұлдаған.
Унечьтен Усть-Лугке созылған ұзындығы 1016 шақырым болатын және жылына 50 млн тонна мұнай айдауға қауқары бар БТС-2 мұнай құбырының бір тарамы Кириштегі "Сургутнефтегаз" мұнай өңдеу зауытына жол тартады. "Транснефть" есептеулеріне сүйенсек, оның құрылысының алдын ала бағасы 78,14 млрд рубльді құрайды. Мұнай құбыры мұнай транзит арқылы өтетін елдерге Ресейдің мұнай компанияларының тәуелділігін төмендетеді. Сәрсенбі күні Владиимир Путин БТС-2 толтыру үшін 30 млн тонна шикі мұнай мен 18-20 млн тонна мұнай өнімдерінің қажет болатынын айтты. Сонымен қатар, Ресей Федерациясының премьер-министрі Ресейдің шетелдік серіктестері де БТС-2 акционері бола алатынын және құбырды толтыруға қатыса алатынын атап көрсетті.
Ақпарат көзі ұсынған мәліметтерге сүйенсер болсақ, "Транснефть" "Достық" құбырының радикалдық "құрғауына" жол бермей-ақ, БТС-2 толтыратын 50 млн тонна мұнай алуды ұсынды. Компанияның ұсынысына сәйкес, БТС-2 құбырына Украинаның Южный және Одесса порттарына жеткізілетін мұнай көлемін тоқтату есебінен 19 млн тонна мұнай жеткізу жоспарланып отыр. Тағы 12 млн тонна мұнайды осы көлемді қазіргі экспорттық бағыттардан алып тастау арқылы "Сургутнефтегаз" ресурсынан қорландырады. Унечтен бастап Усть-Лугке дейін созылған құбырға тасымалданатын Қазақстанның мұнай экспортының көлемін ұлғайту жолымен жылына тағы 10 млн тонна мұнай алу күтіліп отыр. Польшаның Гданьск портына тасымалды тоқтату жаңа құбыр үшін жылына тағы 10 млн тонна мұнайды босатады. Ал қалған 2 млн тоннаны Унечтегі мұнай айдау станциясынан Беларуссия бағытындағы темір жол тасымалынан алады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.