Даниал Ахметов: "Барлық заманауи жабдықтар тиімді қолданылуы тиіс"
Бұл ретте аймақ басшысы Өскемендегі облыстық ауруханадағы үш ангиографты мысалға келтірді.
Өскемен. 7 сәуір. Kazakhstan Today -Шығыс Қазақстан облысыныӊ әкімі Даниал Ахметов Семейдегі медициналық жедел жәрдем ауруханасында болды. Сапар барысында барлық заманауи құрал-жабдықтар экономикалық мақсаттылығы жағынан тиімді түрде қолданылуы қажеттілігін атап өтті. Сондай-ақ, аймақ басшысы бас дәрігерлер бірегей жабдықтарды алуға талпынбай, қаржыны сауатты жұмсау керектігін нықтады.
Жүргізілген аудит қорытындысы бойынша, Шығыс Қазақстандағы медициналық мекемелерді қамтамасыз ету үшін 23 миллиард теӊге қажет. Облыс әкімініӊ айтуынша, әлемніӊ орта деӊгейлі стандарттарына сәйкес болу үшін бұл санатқа тек жабдықтар емес, ауруханаға қажетті жиһаздар да кіреді. Сонымен қатар, облыста тиімді қолданылмай тұрған қондырғылар бар. Бұл ретте аймақ басшысы Өскемендегі облыстық ауруханадағы үш ангиографты мысалға келтірді.
- Ирбір ангиограф жалпы өӊірде тұратын 250 мыӊ адамға қызмет ете алады. Яғни, 3 ангиорграф 750 адамды тексеруге қабілетті болғанымен, нәтиже жоқ. Сондықтан ондағы жабдықтардыӊ орынсыз тұрғаны айғақталады, - деп атап өтті Даниал Ахметов.
Бұдан кейін ШҚО әкімі жоспардағы ангиограф орналастырылатын ота жасау бөлмесін аралап көрді.
- Медициналық жедел жәрдем ауруханасыныӊ операциялық бөлімін қайта құрып, гибридтелген ота бөлмесін жабдықтау қажет. Алдағы уақытта мәселе туындамас үшін оны бар ғимараттыӊ ішінде жасау керек, - деді ШҚО әкімі.
Айта кету керек, облыстық денсаулық сақтау саласын дамытуға бағытталған кешенді бағдарлама жалғасын табады. Оныӊ аясында Семейдегі жедел жәрдем ауруханасы толық заманауи жабдықтармен қамтамасыз етіледі. Медициналық қызметкерлерді әлемніӊ үздік емханаларында оқыту ісі де жалғасын табады. Осылайша, өӊірдіӊ бас дәрігері Марат Шорановтыӊ айтуынша, аталған медициналық мекеме барлық халықаралық стандарттарға сай болады.
ШҚО әкімініӊ баспасөз қызметі
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.