Депутат: Отын бағасының өсуі - саланы басқарудағы жүйелі дағдарыстың нәтижесі
Депутат Айқын Қоңыров жанармай тапшылығына байланысты тасымалдаушылар арасында әлеуметтік шиеленіс көбейгенін мәлімдеді, деп хабарлайды Tengrinews.kz.
Ол отын жеткізудегі мәселе мен бағаның өсуі кей өңірлерде жазда да байқалғанын, соған байланысты күзде жанармай тапшылығы болатыны болжанғанын айтты.
Қазір Қазақстанда болып жатқан отын жетіспеушілігі - ЖМҚС-дағы ғана емес, бүкіл саланы басқарудағы дағдарыс", - деді Айқын Қоңыров вице-премьер Роман Склярға жолдаған сауалында.
Депутаттың пікірінше, нарықтық теңгерімсіздікті жоюда, жеткізу тұрақтылығын қамтамасыз етуде ешқандай жүйелі шешім жоқ, тек проблемаларды анықтап жатыр.
Бұның салдарын халық та, бизнес те көріп отыр. Мемлекет тарапынан қолдау таба алмаған тасымалдаушылар арасында әлеуметтік шиеленіс көбейіп жатыр. Мемлекеттік органдар мұнай өнімдері қалдықтарының жалпы көлемін көрсетіп, тапшылық мәселесін мойындамай отыр. Бірақ автокөлік иелері мен тасымалдаушыларға құр есеп емес, ЖМҚС-та еркін жанармай құя алатындай мүмкіндік керек", - деп мәлімдеді Айқын Қоңыров.
Депутат отын тапшылығы мен бағаның тұрақсыздығы ұзақ уақытқа созылатынын айтты.
Тапшылық пен қымбаттаудың себебі - отандық арзан отынның көрші елдерге кетуі. Жағдайды шешуде басқа жолы ұсынылады, яғни Ресейден қымбат отын сатып алу. Мұндай парадоксалды экономика "арзан сатсаң, қымбат сатып ал" қағидасы бойынша отын нарығындағы тығырыққа әкелген саясаттың салдарынан, ұзақ мерзімді тұжырымдаманың болмауынан туындап отыр", - деп пікірін толықтырды Қоңыров.
Ақпарат көзі: tengrinews.kz
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.