Дүйсенбідегі сауда-саттық қорытындылары бойынша мұнайдың негізгі түрлерінің құны өсе түсті
Дүйсенбідегі сауда-саттық қорытындылары бойынша мұнайдың негізгі түрлерінің құны өсе түсті
Мәскеу. 20 мамыр. "Қазақстан Бүгін" - Дүйсенбідегі сауда-саттық қорытындылары бойынша мұнайдың негізгі түрлерінің құны өсе түсті, деп хабарлайды агенттік "ОМТ-Консалт" тобы компаниясының таратқан хабарламасына сілтеме жасай отырып.
Лондонның InterContinental Exchange биржасында маусым айындағы келісім шартындағы солтүстік теңіз мұнайының бір баррель $0,07 жоғарлап $125,06 құрады. Ал Нью-Йорктегі NYMEX тауар биржасында келісім шарт бойынша маусым айында жеткізілетін техастың WTI жеңіл мұнайының баррель бағасы $0,76 көтеріліп $127,05 сатылды.
" Қытайдың мұнай өнімдеріне деген тұтыну көлемінің ұлғаюына қатысты мамандардың айтқан болжамдары негізгі қара алтын түрлері бағасының өсуіне себеп болды ", - деп айтылған хабарламада. Ақпарат көздерінің деректері бойынша, жуырда болған жер сілкінісі кезінде елде бірнеше су электрстанциялары, көптеген жол тораптары бұзылды. Осыған орай, ҚХР әуе техникасын белсенді түрде пайдаланып, дизельдік генераторларын арқылы электр қуаты өндірісін ұлғайту жөнінде шешім қабылдады.
Сонымен қатар, Сауд Арабиясының мұнай көлемін ұлғайту жөніндегі шешіміне қатысты туындаған күдіктер мұнай бағаларының көтерілуі әсерін тигізді деп есептейді сарапшылар. Естеріңізге сала кетсек, сұраныстың ұлғаюына және бағаның өсуіне орай туындаған алаңдаушылықты төмендету үшін АҚШ президентінің өтініші бойынша, Сауд Арабиясы 2008 жылдың 28 маусымынан бастап мұнайдың бір күндік көлемін 300 мың баррельге көтереді немес 9,45 млн баррельге ұлғайтады. Алайда ОПЕК мүшелерінің пікірінше, мұнай көлемінің ұлғайтылуы оның бағасына әсерін тигізбейді.
Сарапшылардың айтуынша, жақын уақытта мұнай бағаларының қалай өзгеретінін болжау қиын. " Бүгінгі уақытта болашақта қара алтын бағасын болжап айтуға көмек беретін мұнай нарығында сұраныс пен ұсыныс туралы нақты деректер тұмшаланып отыр. Сондай-ақ, Қытай аса жабық мемлекет болғандықтан олар жағдайды күрделендіріп отыр, ал бұл елде мұнайға деген сұраныс қатты өсуде ", -деп жазылған мұнай нарығындағы шолуында.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.