Дүниежүзілік шай нарығында ұсыныс сұраныстан асып кетуі ықтимал - ФАО
Дүниежүзілік шай нарығында ұсыныс сұраныстан асып кетуі ықтимал - ФАО
Алматы. 15 мамыр. "Қазақстан Бүгін" - Дүниежүзілік шай нарығында ұсыныс сұраныстан асып кетуі ықтимал. Біріккен Ұлттар Ұйымының Азық-түлік және ауыл шаруашылығы ұйымының (ФАО) шай сату проблемасына арналған кездесуде талқыға салуға дайындалған баяндамасында осы жайында хабарланады. Ол кездесу бүгін Қытайда басталды және 16 мамырда аяқталады, деп хабарлайды "Қазақстан Бүгін" агенттігінің тілшісі БҰҰ жаңалықтар орталығына сілтеме жасай отырып.
ФАО мәліметтеріне сүйенсек, әлемдік шай нарығында оған деген қызығушылықтың өсу қарқынын басып озатын шай жеткізілімінің өсу үрдісі байқалып отыр. Көптеген адамдар сүйсінетін бұл сусын бағасын ұстап отыр.
Кейінгі жылдары шайды нарыққа жеткізілуін бақылауға алады делінген әртүрлі әрекеттер жасалды. Алайда, олар тиімсіз болып шықты. Қазір шай өндіруші елдердегі шайға деген сұранысты ынталандыруға айрықша назар аудару ұсынылуда. Кейін ол жерлердегі халық шайды онша ұнатпайтын болып шықты. Шай өндіруші елдер жан басына шаққанда шай ішу көрсеткіші жөнінен ең төменгі орындарға орналасқан. Мәселен, Ресейдің бір азаматына орта есеппен алғанда жылына 1,26 кг шай келсе, бір ағылшынға - 2,2 кг-нан келеді. Ал Үндістан мен Қытайда тиісінше 0,65 кг және 0,53 кг.
ФАО сарапшылары алдағы онжылдықта әлемдік шай өндірісі жылына орта есеппен 3 пайыз өсіп, жылына 3,6 млн тонна деңгейіне жетеді деп болжап отыр.
2006 жылы дүниежүзілік шай тұтыну деңгейі оның өндірісіне шамамен сәйкес келетін. Алайда, соңғы жылдары тұтыну деңгейінің өсу қарқыны жылына бар болғаны жалғыз пайызға тең болып отыр. Бұл шай ішу сәннен қалып бара жатқанына дәлел бола алады. Шай өсіретін елдерде шайды тым аз ішеді. Халықты шай ішуге ынталандыру бұл өнімнің сату нарығындағы жағдайды құтқаруы мүмкін.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.