АЛМАТЫ. 21-маусым. Kazakhstan Today. 2007 жылғы 7-8 маусымда Душанбе қаласында (Тәжікстан Республикасы) Еуразия экономикалық қоғамдастығын құру туралы шартқа қатысушы мемлекеттердің орталық (ұлттық) банктерінің басшылары кеңесінің 17-ші отырысы болып өтті, оған Қазақстан Республикасы Ұлттық банкінің өкілдері қатысты, деп хабарлайды Kazakhstan Today тілшісі Ұлттық банктің баспасөз қызметіне сілтеме жасап.
Отырыс барысында ЕурАзЭҚ-қа қатысушы мемлекеттердегі операциялық тәуекелдерді басқару мен қадағалауды ұйымдастыру жолдарының мәселелері, ықтимал ысырапқа арналған резервтерді қалыптастыру тәжірибесі, Қоғамдастық елдерінің ұлттық валюталарын пайдалана отырып, Мемлекетаралық банктің төлем тетігі шеңберінде ЕурАзЭҚ-қа қатысушы мемлекеттердің орталық (ұлттық) банктерінің Мемлекетаралық банкпен өзара іс-әрекетінің ықтимал регламенттері, ЕурАзЭҚ-қа мүше мемлекеттердің интеграцияланған валюта нарығына қатысушыларына банкаралық айырбастау операцияларын жүргізу кезінде тең бәсекелестік жағдайларды қамтамасыз етуге бағытталған талаптары, сондай-ақ Еуразия экономикалық қоғамдастығына мүше мемлекеттердің капитал қозғалысына байланысты операциялар бойынша валюталық реттеу және валюталық бақылау саласындағы саясатының негізін құрайтын қағидаттары туралы келісімнің жобасы талқыланды.
Отырыстың нәтижелері бойынша ЕурАзЭҚ-қа мүше мемлекеттерінің ақша және валюта нарықтарының құрылымын дамыту жөніндегі ұсынымы мақұлданды, Ақпараттық ынтымақтастық және жалған ақша жасаумен күрес саласында тәжірибе алмасу туралы келісімге қол қою туралы шешім қабылданды және ЕурАзЭҚ елдерінде қолданылып жүрген ұлттық валюталардың халықаралық жылжымалы көрмелерін ұйымдастырудың 2007-2012 жылдарға арналған бағдарламасы, ЕурАзЭҚ елдерінің қымбат металдардан жасалған коллекциялық монеталарын шығарудың және сатудың 2008-2011 жылдарға арналған халықаралық бағдарламасы және ЕурАзЭҚ-қа қатысушы мемлекеттердің орталық (ұлттық) банктері басшыларының кеңесі қызметінің 2007 - 2008 жылдарға арналған бағдарламасы бекітілді.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Душанбе қаласында ЕурАзЭҚ-қа қатысушы мемлекеттердің орталық банктерінің басшылары кеңесінің 17-ші отырысы болып өтті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.