Е.Бакенов: КО құрылғалы Қазақстанның тауар айналымы 88%-ға өсті
Бүгін ҚР Президенті жанындағы Орталық коммуникациялар қызметінің брифингінде халықаралық экономикалық интеграция департаментінің директоры Ернар Бакенов КО жұмыс істей бастаған уақыттан бері қатысушы елдердің арасындағы тауар айналымы 88%-ға артқанын мәлімдеді.
Алматы. 12 мамыр. Kazakhstan today. Бүгін ҚР Президенті жанындағы Орталық коммуникациялар қызметінің брифингінде халықаралық экономикалық интеграция департаментінің директоры Ернар Бакенов КО жұмыс істей бастаған уақыттан бері қатысушы елдердің арасындағы тауар айналымы 88%-ға артқанын мәлімдеді.
"Кедендік одақ пен Бірыңғай экономикалық кеңістікке қатысудағы Қазақстанның басты маңызды мақсаттарының бірі инвестициялық қызығушылықты арттыра отырып сату нарығын кеңейту негізінде өңдеуші өнркәсіпті дамыту болып табылады. Кедендік одақ пен оның артынша Бірыңғай экономикалық кеңістік жұмыс істей бастаған уақыттан бері Қазақстанның өзге де қатысушы елдер арасындағы тауар айналымы 88%-ға артып, 24 млрд долларды құрады. Сонымен қатар, Кедендік одақ елдеріне экспорт көлемі 62%-ға көтерілді", - дейді Е.Бакенов.
Сонымен қатар, ол КО елдеріне өңдеуші өнркәсіп тауарлары туралы да айтты.
"2013 жылы 2009 жылмен салыстырғанда өңделген тауар экспорты 2 есеге артты. Осыған байланысты елге кіргізілетін өңделген өнеркәсіп тауарларының импорт көлемі 44 пайыздан 55 пайызға артты", - дейді ол.
Е.Бакенов жылдық тауарлар экспорты көлемінің арту факторларына да тоқтала кетті.
"Мысалға, кондитерлік өнім экспорты 3 есеге, трансформаторлар экспорты көлемі 11 есеге, Беларусь пен Ресейге жеңіл металлонажды жүк көліктерінің экспорты көлемі 17 есеге артып, аккумулятор экспорты КО елдері ішінде 1,7 пайыза көбейіп, кондицаторлар 1,3 есеге, сусындар тасымалы 13 есеге артты", - дейді ол.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.