Еңбек ресурстарын дамыту орталығы электрондық еңбек биржасында жұмыс күшінің сұранысы мен ұсынысына талдау жасады
Атырау және Маңғыстау облыстарында жұмыс іздеушілердің ең көп пайызы - әр өңірдегі төрттен бір бөлігі өнеркәсіп, құрылыс, көлік салаларында жұмыс іздейді.
Алматы. 13 қаңтар. Kazakhstan Today - Еңбек ресурстарын дамыту орталығының (бұдан әрі - ЕРДО) қызметкерлері 2019 жылғы 4 - тоқсанда электрондық еңбек биржасында жұмыс күшінің сұранысы мен ұсынысына талдау жасады. Зерттеу көрсеткендей, бос жұмыс орындарының ең көп саны Қарағанды, Қостанай облыстарында және Нұр-Сұлтан қаласында орналасқан.
Осылайша, Қарағанды облысында 8,5 мың жұмыс іздеушілермен 19,6 мыңға жуық бос жұмыс орындары байқалды, елордада 3,9 мың орналастырылған түйіндеме болғанда 19,2 мың қызметкер талап етілді, ал Қостанай облысында 2,6 мың адамды ұсынған кезде сұраныс 17,4 мыңды құрады.
Бос жұмыс орындарының ең аз саны Қызылорда (4,8 мың), Солтүстік Қазақстан (5,6 мың) және Атырау (6,1 мың) облыстарында орналастырылды. Осы өңірлердегі ізденушілердің саны тиісінше 4,3 мың, 2,6 мың және 4,1 мың адамды құрады.
"Жалпы, көптеген өңірлерде ізденушілердің басым бөлігі кәсіби мамандар арасында байқалды: Қарағанды облысында, Алматы және Шымкент қалаларында орналастырылған түйіндемелердің жартысына жуығы осы кәсіби топқа жатады. Өндірістік жабдықтар операторлары, құрастырушылар мен жүргізушілер тобына түйіндеменің дәл осындай санын Батыс Қазақстан облысында-44% және Шығыс Қазақстан және Солтүстік Қазақстан облыстарында шамамен төрттен бір бөлігін орналастырды", - деп атап өтті ЕРДО Болжау департаментінің директоры Дмитрий Шумеков.
Бұдан басқа, Атырау және Маңғыстау облыстарында жұмыс іздеушілердің ең көп пайызы - әр өңірдегі төрттен бір бөлігі өнеркәсіп, құрылыс, көлік салаларында жұмыс іздейді.
Ақмола облысында ең көп түйіндеме (22,6%) қызмет көрсету және сату саласындағы қызметкерлер тобында орналастырылды.
4-тоқсанның нәтижелері бойынша үміткерлердің ең аз саны жоғары лауазымдарға және мемлекеттік қызметке, сондай-ақ ауыл шаруашылығы және орман шаруашылығы, балық өсіру және балық аулау саласындағы кәсіби жұмысшылар тобына түсті.
2019 жылдың 4 тоқсанына электрондық еңбек биржасында жұмыс күшінің сұранысы мен ұсынысы бойынша толық талдау мына сілтеме бойынша қолжетімді болады: https://iac.enbek.kz/ru/node/764.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.