Еңбек шарттарын есепке алудың бірыңғай жүйесінде 1,2 млн цифрланған шарттар тіркелген
Еңбек шарттарын есепке алудың бірыңғай жүйесі (бұдан әрі - E-hr) іске қосылғалы бері 27,1 мыңнан астам ұйым және 1,2 млн цифрланған шарттар тіркелген, олардың 708 мыңы жүйеде тіркелген сәтте қолданыста болған
Алматы. 16 наурыз. Kazakhstan Today - Еңбек шарттарын есепке алудың бірыңғай жүйесі (бұдан әрі - E-hr) іске қосылғалы бері 27,1 мыңнан астам ұйым және 1,2 млн цифрланған шарттар тіркелген, олардың 708 мыңы жүйеде тіркелген сәтте қолданыста болған.
"Жұмыс берушілердің E-hr жүйесіне қатысуы ерікті түрде болады. Қазіргі уақытта тартылған жұмыс берушілер қатарынан - 512 ірі ұйым. Ағымдағы жылдың бірінші жартыжылдығының соңына дейін біз тағы 25 мың жұмыс берушіні тартуды және кемінде 750 мың қолданыстағы және жаңа еңбек шарттарын тіркеуді жоспарлап отырмыз", - деді "Еңбек ресурстарын дамыту орталығы" АҚ Деректерді талдау және өңдеу департаментінің директоры Бақтияр Жазықпаев.
Барлық электрондық еңбек шарттары Еңбек және халықты әлеуметтік қорғау министрлігі (бұдан әрі - Еңбекмині) әзірлеген бірыңғай қоймада сақталады, ал автоматтандырылған кадрлық есептің қосымшалары көп және жұмыс беруші жүйеге қосылу үшін өзіне ыңғайлы ІТ шешімді өз қалауы бойынша таңдайды.
"Жұмыс берушілердің электрондық еңбек шарттарын пайдалану арқылы оларды жалпы дерекқорда тіркеуге мүмкіндігі бар. Бұл азаматтарды жұмысқа қабылдау рәсімін жеңілдетуге және жеделдетуге мүмкіндік береді, өйткені құжаттарды қолдан жасау қаупі және оларды қағаз түрінде ұсыну қажеттілігі жоқ. Бұл деректер қызметкердің жеке іс сервисін қалыптастыру кезінде де пайдаланылады. Сонымен қатар, жүйені пайдалану - қызметкер мен жұмыс беруші арасындағы еңбек қатынастарының ашықтығының кепілі", - деп атап өтті Бақтияр Жазықпаев.
Қазіргі уақытта Е-hr жүйесі паспорттық және мекенжай деректерін алу бөлігінде жеке тұлғалардың мемлекеттік дерекқормен, сондай-ақ білім туралы мәліметтерді алу бөлігінде ұлттық білім беру дерекқормен біріктірілген. Алынатын ақпарат, сондай-ақ Жеке іс қалыптастыру үшін пайдаланылады.
Естеріңізге сала кетейік, қазіргі уақытта "Электрондық үкімет" порталының жеке кабинетінде, сондай-ақ Smart Astana қосымшасы арқылы E-hr арқылы тіркелген еңбек шарттарын көруге болады.
Еңбекминінде еңбек заңнамасына Е-hr жүйесін енгізу және қолдану жөніндегі түзетулер әзірленді. Қазіргі уақытта заң жобасы ҚР Парламенті Мәжілісінде мақұлданды және Сенаттың қарауында. Түзетулерді 2020 жылдың маусымнан бастап заңды күшіне енгізу жоспарлануда.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.