Э.Огай: "Қазақмыс" алдағы 5 жылда кен рудасының өндірісін 40%-ға көбейтеді
"Қазақмыс" алдағы 5 жылда кен рудасы өндірісі көлемін 40% көбейтеді. Бұл туралы бүгін "Қазақстандық өнім жасаймыз!" V Форумына арналған баспасөз конференциясында "Қазақмыс" корпорациясы" ЖШС басқарма төрағасы Эдуард Огай мәлімдеді.
Алматы. 10 сәуір. Kazakhstan today. "Қазақмыс" алдағы 5 жылда кен рудасы өндірісі көлемін 40% көбейтеді. Бұл туралы бүгін "Қазақстандық өнім жасаймыз!" V Форумына арналған баспасөз конференциясында "Қазақмыс" корпорациясы" ЖШС басқарма төрағасы Эдуард Огай мәлімдеді.
"Бұрындары да айтылғандай, біздің дамытуымыз керек басты кәсіпкерлік - кен рудасы өндірісі. "Қазақмыс" алдағы 5 жылда кен рудасы өндірісі көлемін 40% көбейтеді.Біз руда бойынша өндіріс көлемін бұрынғы 37 млн тоннадан 100 млн тоннаға дейін арттыруды көздеп отырмыз. Ал металл бойынша 40% арттырмақпыз",- дейід Э.Огай.
Оның айтуынша, корпорация алғашқы өнімін келер жылдан бастап шығара бастамақ.
"Тиісінше біз өндірісте шикізат көлемін арттыратын болсақ, онда өңдеушілік қуаттылықты да арттыруымыз керек. Бұл дегеніңіз фабрика құрылысы, жұмыс орындарын ашу, қосымша өндірістер", - дейді корпорацияның басқарма төрағасы.
Жалпы, Э.Огайдың айтуынша, қазақстандық қамтудың ірі пайыздық деңгейіндегі 10 бағыт қарастырылған.
"Корпорация жылына 400 мыңдай бөлшек пен өзге де құрылғыларды сатып алады. Қазір бізбен ресейлік компаниялар жұмыс істейді. Олардың базасында біздің механикалық зауыттар ұсыныстар жасап, Қазақстанда өндіре алатын бөлшектерді ұсынады. Қазірде барынша жан-жақты қарастырылып, ірі инвестицияларды көздеп отырмыз. Аталмыш жұмыс коипанияны өрге сүйреп, машина құрылысы саласындағы шағын және орта кәсіпкерлікке серпін бермек", - дейді Э.Огай.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.