Егістік алқаптарының 40 пайызына отандық селекцияның дәнді дақылдары себілген
Қазақстанда отандық селекцияның дәнді дақылдары жалпы егістік алқаптарының 40 пайызын алып жатыр, деп хабарлады "ҚазАгроИнновация" АҚ-ның басқарма төрағасы Серік Кененбаев Pm.kz сайтына берген сұхбатында.
Астана. 26-шілде. Kazakhstan Today - Егістік алқаптарының 40 пайызына отандық селекцияның дәнді дақылдары себілген, деп хабарлайды Kazakhstan Today агенттігінің тілшісі.
Қазақстанда отандық селекцияның дәнді дақылдары жалпы егістік алқаптарының 40 пайызын алып жатыр, деп хабарлады "ҚазАгроИнновация" АҚ-ның басқарма төрағасы Серік Кененбаев Pm.kz сайтына берген сұхбатында.
"Бүгінгі таңда отандық селекционерлер шығарған дәнді дақылдар жалпы егістік алқаптарының 40 пайызға жуығын алып жатыр", - деді С.Кененбаев.
"ҚазАгроИнновацияның" құрамында ауыл шаруашылығының түрлі бағыттары бойынша 23 ғылыми-зерттеу институты жұмыс істейді. Атап айтқанда, бүгінде солтүстік өңірде 7 млн. жуық алқапқа себілген құрғақшылыққа шыдамды және өнімділігі жоғары астық сұрыптары мен Оңтүстік Қазақстанда себілген күздік бидай сұрыптарының 90 пайызын отандық селекциялар шығарған.
"Мақта шаруашылығына келетін болсақ, кезінде, 2000 жылдары біз тек өзбек селекциясының шиттерін себетінбіз, 2003 жылдан бері біз шиттің 11 сортын шығардық және олар бүгінде мақта алқаптарының 80 пайызын алып жатыр",- деді компания басшысы өз сөзінде.
Ғылыми-зерттеу институттары сондай-ақ ресурс үнемдеуші технологиялар бойынша зерттеулер жүргізуде. Бүгінде бұл технология 11 млн. гектар алқапта немесе жалпы егістіктердің 55 пайызында қолданылады. Нөлдік технологияларға көбірек назар аударылуда. Бұл технологияның экологияға пайдасы басым, ол жер жыртып әуреге түспей-ақ дән себуге мүмкіндік беретін әдіске негізделген. Түсінікті болу үшін тарқатып айтсақ, дәл осы технологияға арналып құрастырылған техника жиын-терім барысында дәнді дақылынан ажыратылған өнімнің сабағын қидалап турап, егістік алқабына шашып отырады. Осының арқасында әр науқан сайын жиылған сабан жер бетінде ылғал сақтау мүмкіндігіне ие қажетті қабатты қалыптастырады. Бұл қабат шіріндіге айналады.
"Қазіргі уақытта біз Австралияның Өсімдіктер геномикасы орталығымен бірлесіп гендерді іріктеудің көмегімн жаңа сұрыптарды шығарудамыз. Мысалы, құрғақшылыққа шығамды дақылдың гендері жаңа сұрыптарға ауыстырылуда", - деп атап көрсетті С.Кененбаев өз сөзінде.
Сондай-ақ мал шаруашылығының геномдік селекциясы бойынша ғылыми жұмыстар жүргізілуде. Бұл зерттеулер мал шаруашылығының генетикалық әлеуеттін арттыру арқылы ет пен сүт өнімділігін арттыруға мүмкіндік беретін болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.