ЕҚДБ Қызылорда облысында әйелдер мен жастар үшін жұмыс орындарын ашуға арнап 350 млн АҚШ доллары көлемінде несие береді
Мақсат - Қызылорда облысындағы "Шалқия" қорғасын-мырыш өндіретін кен орында тау-кен өндірісін кеӊейту және нысанда байыту фабрикасын салу.
Қызылорда. 13 маусым. Kazakhstan Today - Еуропалық қайта құру және даму банкі (әріқарай - ЕҚДБ) "ШалқияЦинк ЛТД" тау-кен компаниясына 350 млн АҚШ доллары көлемінде бірлестірілген несие береді. Мақсат - Қызылорда облысындағы "Шалқия" қорғасын-мырыш өндіретін кен орында тау-кен өндірісін кеӊейту және нысанда байыту фабрикасын салу.
Несиелік келісім Банктіӊ Қазақстанныӊ шалғай аймақтарыныӊ инклюзивті экономикалық дамуын қолдау бойынша стратегиясына сай келеді. Жоба Қызылорда облысыныӊ жалпы экономикалық өсімініне және білім беру сапасын көтеруге септігін тигізіп, әйелдер мен жастар үшін жұмыс тұрғысынан жаӊа мүмкіндіктерді сыйлайды.
Несиелік келісімге "ШалқияЦинк ЛТД" АҚ және ЕҚДБ өкілдері Астанада тұрақты энергетиканы дамытуға арналған Expo-2017 халықаралық көрмесі аясында қол қойды.
Бұл ЕҚДБ Қазақстандағы табиғи ресурстар саласында инклюзивті бағытты қамтамасыз ету бойынша жаӊа тәсілі шеӊберінде алғашқы жоба. Бағдарламаға сәйкес, өнеркәсіп, ЕҚДБ және мемлекеттік органдар тау-кен секторында қазақстандықтардыӊ кәсіби-техникалық біліктілігін көтеру мақсатында бірлесіп жұмыс істейді. "Шалқия" кен орнын дамыту және аталмыш бағыт бойынша өзге жобаларды жүзеге асыру есебінен техникалық білім сапасын жақсарту және осы секторда еӊбек нарығында әйелдердіӊ теӊ құқықтарын қамтамасыз ету үшін нормативтік-құқықтық кедергілерді жою көзделуде. Өйткені тау-кен саласы шалғай аймақтарында негізгі табыс көзі болып табылады.
Жоба мақсаты - үздік әлем тәжірибесін енгізу мен тұрақтылық мәселелерін шешу, Қазақстандағы тау-кен секторыныӊ технологиялық дамуын қолдау және жасыл экономикаға көшу.
"ШалқияЦинк ЛТД" АҚ "Самұрық-Қазына" АҚ қоржындық компаниясы "Тау-Кен Самұрық" АҚ тиесілі.
Банк қолдауымен жоба Қазастан Үкіметініӊ бастамасымен жүзеге асырылып жатқан жекешелендіру бағдарламасы шеӊберінде нысанды ықтималды сатуға даярлыққа да үлес қосуы мүмкін. ЕҚДБ осы бастаманы қолдап, бірқатар инвестициялық жобаларды жүзеге асырып үлгерді.
"Бұл "Самұрық-Қазына" және ЕҚДБ табысты серіктестігініӊ айқын дәлелі, - деп атап өтті Нандита Паршад, ЕҚДБ Энергетика және табиғи ресурстар жөніндегі басқарушы директоры,- Бірлескен жұмыс пен тәжірибеміз есебінен "ШалқияЦинк ЛТД" АҚ ойдағыдай жекешелендіруге болады. Біз жобаныӊ аймақтыӊ дамуына игілікті әсерін күтеміз, әсіресе жаӊа жұмыс орындарын құру және осы секторда әйелдерге жаӊа мүмкіндіктері беру тұрғысынан".
"Илемдегі қорғасын-мырыш өндіретін еӊ ірі кен орындарыныӊ бірі болып табылатын "Шалқия" кен орнын өндіру Қазақстанныӊ жаӊа индустрияландыру бағдарламасымен жүзеге асыруға зор үлес қосуы тиіс. Бүгінде кәсіпорында 500-ден астам жұмыс орны бар, ал негізгі нысандардыӊ құрылысына 1500-ден астам адам атсалысады. ЕҚДБ несиесін алу арқасында "ШалқияЦинк ЛТД" АҚ және "Тау-Кен Самұрық" АҚ инвестициялық тартымдылығы көтерілмек", - деді "Самұрық-Қазына" АҚ басқарма төрағасы Өмірзақ Шөкеев.
Қазіргі таӊда ЕҚДБ Қазақстан экономикасыныӊ әр алуан секторларына шамамен 7.2 млрд еуро (8 млрд АҚШ долларына жуық) салды. Банктіӊ еліміздегі қызметі макроэкономикалық сындарға жауап беретін және халықаралық дәрежеде бәсекеге қабілетті болатын тұрақты әрі әртарапты экономиканы құруға бағытталған.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.