Екібастұз ГРЭС-1 стансасының №4 энергоблогы жыл соңында іске қосылады
Тиімділігі жоғары заманауи электр сүзгісі жыл соңында іске қосылады. Бұл тазартқыш жабдықты сатып алып, орнатуға барлығы 2 млрд. теңге көлемінде қаржы жұмсау жоспарланған.
Алматы. 9-қараша. Kazakhstan Today - Екібастұз ГРЭС-1 стансасының №4 энергоблогы жыл соңында іске қосылады, деп хабарлайды Kazakhstan Today агенттігінің тілшісі.
Екібастұз ГРЭС-1 стансасындағы №4 энергоблоктағы монтаждау жұмыстары аяқталды.
Тиімділігі жоғары заманауи электр сүзгісі жыл соңында іске қосылады. Бұл тазартқыш жабдықты сатып алып, орнатуға барлығы 2 млрд. теңге көлемінде қаржы жұмсау жоспарланған.
Ауқымды жұмыстарға үш ұйымның және де жабдықтың монтаждалуына шеф-бақылау жүргізіп отырған өндіруші Lodge Cottrell Limited компаниясының жұмысшылары мен инженерлік-техникалық қызметкерлері, жалпы 100-ден астам адам жұмылдырылды.
Алдыңғы екі электр сүзгісі №5 және №6 энергоблоктарда тиісінше 2010 және 2011 жылдары орнатылған болатын. Осындай тағы бір блок қалпына келтірілген №8 энергоблокпен бірге іске қосылып пайдалануға берілген. Екібастұздың ГРЭС-1 стансасында электр сүзгілерін орнату жөніндегі бағдарламаны келесі жылы аяқтау жоспарлануда. Ол зиянды күлді аулаудың тиімділігін 99,6 пайызға дейін жеткізуге мүмкіндік береді.
Электр сүзгісі жұмысының қағидасы бойынша электродтарға берілетін қалыпты тоқтың жоғары кернеуінің көмегімен қатқыл заттар ұсталып қалып отырады. Бұдан соң күл арнаулы пластиналарға қондырылып, жинақталады да, сілкіп отыру механизмінің арқасында төменгі корпуста орналасқан қордалағыш бункерлерге тасталып тұрады. Аталмыш электр сүзгіні Lodge Cottrell Limited (Ұлыбритания) жасап шығарған. Жеткізіліп отырған электростатикалық электр сүзгілері Ұлыбритания, АҚШ, Корея және т.б. сияқты елдердегі озық электр стансаларында сәтті пайдаланылып келеді.
Станса ұжымы ұзақ мерзімді инвестициялық бағдарламаны уақтылы іске асыруға бар күш салуда және де мен бұл бағдарлама жалпы Павлодар аймағындағы экологиялық ахуылдың жақсаруына айтарлықтай көмегін тигізетініне сенімдімін", - дейді "Қазақмыс" компаниясының Отын-Энергетикалық кешенінің бас директоры Николай Коробовский.
"Болат Нұржанов атындағы Екібастұз ГРЭС-1" жауапкершілігі шектеулі серіктестігі - белгіленген қуаттылығы 4000 МВт болатын, электр энергиясын өндірумен және таратумен айналысатын, конденсациялық типтегі жылу электр стансасы. ЕГРЭС-1 стансасын тепе-тең негізде "Самұрық-Қазына" ұлттық әл-ауқат қоры мен Қазақмыс Тобы иеленіп отыр. Ал пайдаланатын негізгі отыны - Екібастұз кен орындарынан өндіріліп шығарылған тас көмір. Стансада өндіріліп шығарылған электр энергиясының басым бөлігі Қазақстанның энергетикалық нарығына таратылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.