Екібастұз ГРЭС-1 № 6 энергоблогындағы екінші электр сүзгіші IV тоқсанда пайдалануға беріледі
Екібастұз ГРЭС-1 № 6 энергоблогындағы екінші электро сүзгіш IV тоқсанда пайдалануға беріледі, деп хабарлайды Kazakhstan Today агенттігінің тілшісі.
Алматы. 17 - ақпан. Kazakhstan Today - Екібастұз ГРЭС-1 № 6 энергоблогындағы екінші электро сүзгіш IV тоқсанда пайдалануға беріледі, деп хабарлайды Kazakhstan Today агенттігінің тілшісі.
РИА Новости агенттігінің хабарлауынша, "Екібастұз ГРЭС-1" ЖШС-де осы жылдың 4-ші тоқсанында №6 энергоблоққа жалпы құны 2 миллард теңгеден асатын екінші электр сүзгісін орнату жоспарланды. Бір электр сүзгісінің жалпы құны 2 млрд. астам теңгені құрап отыр, деп хабарлады "Қазақмыс" компаниясы.
Бұл ақпарат Қазақстан Республикасы Индустрия және жаңа технологиялар министрі - Премьер Министрдің орынбасары Исет Өрентайұлы Исекешевке ұсынылды.
Жұмыс сапарының барысында станция басшылығы мөлшері 220,4 млрд.теңгеге шақталған инвестициялық көпжылдық бағдарламаның жүзеге асырылуы барысы туралы мәлімет берді. Бағдарлама, жұмыс істемей тұрған үш энергоблокты қалпына келтіруді, сегіз электр сүзгісін орнатуды, жұмыс істеп тұрған бес энергоблоктың және жалпыстанциялық жабдықтардың капиталдық жөндеулері мен модернизациялануын көздеп отыр.
"Кәсіпорын басшылары 2010 жылдың басынан бері жалпы инвестициялық бағдарламаның орындалуы жеделдетілгендігін жеткізді. Бұған септігін тигізген: электр энергиясына шекті тарифтердің енгізілуі, өндірістік тұтынушылар тарапынан сұраныстың қалпына келуі мен станцияның техникалық-экономикалық көрсеткіштерінің жақсарғандығы", - деп көрсетілген хабарламада.
Өткен жылы станцияның өндірістік көрсеткіштері орташаблоктық жүктеменің артуы, елеулі жөндеу жұмыстарының өткізілуі мен жабдықтардың жұмысының оңтайландырылуы есебінен жақсара түсті.
2010 жылдың соңында электр станциясының №5 энергоблогында бірінші жоғары тиімділікті электр сүзгісі орнатылды.
2012 жылы №8 энергоблокты электр сүзгісімен бірге пайдалануға беру жоспарлануда. Энергоблокты қалпына келтіру жөніндегі жұмыстарға 400 адамнан тұратын 10 мердігер ұйым қатысуда. Қазіргі сәтте жоба 50 пайызға қаржыландырылып отыр. 12,8 млрд.теңге сомасындағы құрылыс-монтаждау жұмыстарына 70-тен астам шарт жасалды.
Жоспарланған мерзімінен бір жыл бұрын №2 энергоблоктағы жұмыстар қатар басталды, ол, энергоблоктың жеделдетілген кесте бойынша пайдалануға берілуіне мүмкіндік туғызады. Жобаның жалпы құны шамамен 61 млрд.теңгені құрайды. 2010 жылдың соңында, 20 млрд.теңгеден астам сомаға турбогенератор мен турбогенератордың, қазандық агрегатының негізгі жабдықтарын жеткізуге шарттар жасалып, тендерлер өткізілді. Электр станциясында әрбір қосымша энергоблоктың іске қосылуымен қатар, электр станциясында қосымша тағы 25 тұрақты жұмыс орындары ашылатын болады.
Оның үстіне, электр станциясында қазандық, турбиналық және отын-көлік цехтарында құрылыстық және жөндеу, монтаждау, демонтаждау жұмыстары жалғасуда. Нақты алғанда, жоспарланған жұмыстардың жалпы көлемінен 23 пайызы орындалды.
"Қазақмыс Корпорациясы" ЖШС Басқармасының Төрағасы Эдуард Огайдың сөзі: "Екібастұз ГРЭС-1 ұзақ уақыт бойы тұрақты да жағымды өндірістік және қаржылық нәтижелерін байқатып келеді. Біз, Қазақстан энергетикасының Флагманы қосымша қуаттылықтарды дер кезінде пайдалануға беріп, елдегі электр энергиясына деген артып келе жатқан сұранысты қанағаттандыра алатындығына сенімдіміз".
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.