Екінші жарты жылдықта жалпы құны 617 млрд теңгені құрайтын 129 индустриялдық жоба іске қосылатын болады
1,5 жылдың ішінде 914 млрд. теңгеге 227 инвестициялық жоба іске қосылды.
Астана. 22-тамыз. Kazakhstan Today - Екінші жарты жылдықта жалпы құны 617 млрд теңгені құрайтын 129 индустриялдық жоба іске қосылатын болады, деп хабарлайды Kazakhstan Today агенттігінің тілшісі.
ҚазАқпарат агенттігінің хабарлауынша, 1,5 жылдың ішінде 914 млрд. теңгеге 227 инвестициялық жоба іске қосылды.
Бұл туралы бүгін селекторлық режимдегі Үкімет отырысында Үдемелі индустриялық-иннвациялық бағдарламасы бойынша баяндама жасау кезінде Үкімет басшысының орынбасары - индустрия және жаңа технологиялар министрі Исет Исекешев мәлім етті.
"2010 жыл мен 2011 жылдың бірінші жарты жылдығы аралығында 914 млрд. теңгеге 227 инвестициялық жоба іске қосылды. 29 мың тұрақты жаңа жұмыс орындары құрылды. 100 млрд. теңгеден астам қаржыға өнім шығарылды", - деді вице-премьер.
И. Исекешевтің сөзіне қарағанда, "1,5 жылдың ішінде инвестицияның көп бөлігі Шығыс Қазақстан (142 млрд. теңге), Ақтөбе (128 млрд. теңге), Павлодар (121 млрд. теңге) облыстарында тартылды. Биылғы 2 жартыжылдықта 617 млрд. теңгеге 129 жобаны іске қосу жоспарланып отыр. Осы орайда 14,5 мың тұрақты жаңа жұмыс орындары құрылады", - деді Үкімет басшысының орынбасары.
Оның айтуынша, 2011 жылы Индустрияландыру картасы бойынша іске асырылатын жобаларда инвестициялардың жалпы көлемі 1,5 трлн. теңгені құрамақ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.