Экономика қарқыны бәсеңдесе де, Қазақстан әлеуметтік шығындарды ұлғайтуды көздеп отыр - Назарбаев
Экономика қарқыны бәсеңдесе де, Қазақстан әлеуметтік шығындарды ұлғайтуды көздеп отыр - Назарбаев
Жезқазған. 24 қаңтар. "Қазақстан Бүгін" - Экономиканың қарқыны бәсеңдесе де, Қазақстан әлеуметтік шығындар ұлғайтуды көздеп отыр. Бұл туралы бизнестің әлеуметтік жауапкершілігі форумында сөз сөйлеген ҚР президенті Нұрсұлтан Назарбаев мәлімдеді, деп хабарлайды агенттік тілшісі.
"Жалпы экономиканың қарқыны аздап тежелсе де, біз мемлекеттік әлеуметтік шығындардың тұрақты түрде өсуін қолдап, азаматтарымыздың әлеуметтік қамсыздандырылуын төмендетпейміз ", - деді Н. Назарбаев.
"Реформаларды жүргізу кезінде, елде мемлекеттік минималды талаптар орнатылды ", - деп атап өтті президент. "Мемлекет өзіне жыл сайын әлеуметтік міндеттерді көбейтіп, жүктеп келеді. Біз тұрақты түрде әлеуметтік саладағы шығындарды ұлғайтып, кедейлік және жұмыссыздықпен күресіп келеміз", - деді ел басшысы. "Осының арқасында адам мүмкіндігін дамытудың тиімді түрі қалыптастырылып, халықтың тұрақты өмір сүру сапасын көтерудің негіздері құрылды ", - деп түсіндірді Н.Назарбаев. Оның сөздері бойынша, соңғы бес жылда "білім беру, денсаулық сақтау, ғылым салаларына жұмсалған қаржы көлемі 3,5 есеге, әлеуметтік көмек пен қамсыздандыру екі есеге көтерілсе, сондай-ақ еңбек ақы, зейнетақы, төлемдердің мөлшері үнемі өсуде".
"Мемлекет пен бизнестің әлеуметтік жауапкершілігін қалыптастыру мәселесі- мемлекеттің тұрақты дамуының негізгі шарты", - деп ойын қорытындылады президент.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.