Экономикалық дағдарыс кезеңіндегі мемлекеттік жеке меншік әріптестіктің орны және жаңа мүмкіндіктер - баспасөз баяны
2006 жылдан бастап елімізде мемлекеттік жеке меншік әріптестіктің серпінді дамуы көріне бастады. Соңғы төрт жылда осы саладағы құқықтық қатынастарды реттейтін "Концессиялар туралы" 2006 жылғы 7 шілдедегі Қазақстан Республикасы заңының, концессия мәселелері жөніндегі маманданған ұйым құру туралы Үкімет қаулысы сынды нормативтік құжаттардың қабылдануы экономикадағы айтулы шаралар болды.
Мемлекеттік жеке меншік әріптестік (МЖМИ) - әр тараптың ресурстары мен тәжірибелерін қоғам мүддесін ескере отырып біріктіріп, маңызды жобаларды барынша аз шығындармен және тәуекелмен іске асыру. МЖМИ - сапалы жаңа деңгейдегі тиімді инвестиция тартудың тәсілі, деп хабарлайды "Қазақстанның Мемлекеттік жеке меншік әріптестік орталығы" АҚ баспасөз қызметінен.
Бизнес-жобаларға мемлекет пен жеке бизнесті тартудың қандай құралдары бар? Экономикалық тоқырау кезеңінде мемлекеттік жеке меншік әріптестікті дамытудың мүмкіндіктері қандай? Осы сұрақтардың жауабы және осыған қатысты мәселелер төменде қаралатын болады.
ҚАЗАҚСТАНДА МЕМЛЕКЕТТІК ЖЕКЕ МЕНШІК ИРІПТЕСТІКТІҢ ДАМУЫ
2006 жылдан бастап елімізде мемлекеттік жеке меншік әріптестіктің серпінді дамуы көріне бастады. Соңғы төрт жылда осы саладағы құқықтық қатынастарды реттейтін "Концессиялар туралы" 2006 жылғы 7 шілдедегі Қазақстан Республикасы заңының, концессия мәселелері жөніндегі маманданған ұйым құру туралы Үкімет қаулысы сынды нормативтік құжаттардың қабылдануы экономикадағы айтулы шаралар болды.
Бүгінгі таңда Қазақстанның МЖМИ құралдары ретінде қаржы институттары, арнайы экономикалық және индустриалдық аймақтар, венчурлық компаниялар және басқалар белсенді әрекет етуде. Аталған әр бір құрал бизнестің іріленуіне қолдау көрсетсе, қазақстан экономикасы үшін артықшылығы бар бағыттарды дамытуға мүмкіндік жасап отыр.
Сонымен қатар ел экономикасына Көлік және коммуникация министрлігінің бағамдауы бойынша инфрақұрылымдық жобаларға 26 миллирад американдық доллар қажет екенін көрсетіп отыр. Осы саланың жаңа инвестициялармен толығуы қадағалау сапасын арттырып, ұзақ мерзімді перспективада аталған инфрақұрылымды ұстап тұру қаражатын қамтамасыз ететін болады.
МЖМИ ЖИНЕ ЭКОНОМИКАЛЫҚ КРИЗИС
Илемдік экономикалық кризис біршама елдердің бизнес жобаларының тоқтауына немесе қаржыландыру көлмін қысқартуына алып келгені мәлім. Бұл жағдай Қазақстандағы да екінші деңгейлі банктердің шет елдің салыстырмалы арзан несиелерін беру мүмкіндіктерін шектеп айтарлықтай жобалар қаржы тапшылығын сезінгенімен, МЖМИ институттары мен құралдары белсенді жұмыс жасауда.
Мысалы: "Шар-Өскемен станциясы" темір жол линиясы" құрылысы аяқталып, пайдалануға берілді. Осы жылы шілденің 13 жұлдызында жалпы аумағы 13 мың шаршы метрді құрайтын, құны 31 миллион АҚШ доллар тұратын "Ақтау халықаралық аэропортының жолаушылар терминалы" құрылысы толықтай аяқталып, мемлекет меншігіне тапсырылғанын байқауға болады.
Бүгінгі таңда, Қазақстандық мемлекеттік-жеке меншік әріптестік орталығының сараптамасынан өтіп іске асу кезеңіндегі жобаларда I деңгейлі, 6-жолақты, 301 шақырымнан тұратын, құны 385 млрд. теңге құрайтын "Алматы-Қорғас" автомобиль жолы, осы шамалас II деңгейлі, 262 млрд. теңге сомалық "Астана-Қарағанды" автомобиль жолы сынды басқа да жобалар бар.
Жуырда өткен III Астаналық экономикалық форумы да осы қағиданы растап отыр. Қазақстанның мемлекеттік жеке меншік әріптестігі саласы форум шеңберінде жан-жақты пікір алмасып, Қазақстан үшін де әлемдік МЖМИ орталықтары үшін де пайдалы шараға қол жеткізді. МЖМИ саласын ақпараттандырып отыратын халықаралық институттар Қауымдастығын құру туралы әлем мемлекеттерінің бірауыздан келісім беруі және әлемдік орталықтың кеңсесін Астанада ашу туралы шешім қабылдады.
Аталған орталықтың жұмысы былайша үйлестірілетін болады.
Сөз соңында, осы сынды шаралар Қазақстанның концессиялық жобаларын жүзеге асыруда тәжірибиесін молайтып, әрі МЖМИ саласында белгілі дәрежеде заңнамалық базасын жетілдіріп жаңа даму сатысына көшуіне қолдау көрсетеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.