Система Orphus

Эксимбанкінің І-тоқсанындағы кірісі екі есеге өсті

31.07.2012, 16:08 6315

Алматы. 31-шілде. Kazakhstan Today - Эксимбанкінің І-тоқсанындағы кірісі екі есеге өсті, деп хабарлайды Kazakhstan Today агенттігінің тілшісі.

Эксимбанкінің 2012 жылдың І-тоқсанындағы кірісі екі есеге өсіп, 108,6 млн теңгені құрады. бұл өткен жылдың осы кезеңімен салыстырғанда 54,5 млн теңгеге артық, деп көрсетілген KASE сайтында жария етілген есеп беруде.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Комментарии

тақырып бойынша жаңалықтар

    Қазақстанда ет қымбаттайды

    18.10.2021, 19:45 7372
    Қазақстанда ет қымбаттайды
    Сурет: ашық көздерден
    НҰР-СҰЛТАН. 18 ҚАЗАН - ҚР Ауыл шаруашылығы министрі Ербол Қарашөкеев келесі жылдың көктемінде ет бағасының шамалы өсуін болжап отыр, деп хабарлайды KAZAKHSTAN TODAY Орталық коммуникациялар қызметіне сілтеме жасап.
     

    Бағаларға келетін болсақ, біз ет бағасының өсуі мүмкін деп күтеміз. Өсім шамалы болады деп үміттенеміз. Бұл шөп пен жем бағасының өсуіне байланысты. Ет тапшылығы болмайды", - деді министр ОКҚ брифингінде.

     
    Ол сондай-ақ, Қазақстан 100% отандық етпен қамтамасыз етілгенін атап өтті.
     

    Біз шетелден етті көп мөлшерде импорттамаймыз", - деді Қарашөкеев.

     
    Министр қазіргі уақытта елімізде ірі инвестициялық жобалардың айналасында жеті экожүйе қалыптасатынын еске салды. Оларға ет, жемістер, көкөністер, қант, дәнді дақылдар, майлы дақылдар, сүт өнімдерін өндіру және қайта өңдеу кіреді.
     
    Оның айтуынша, жобаларға кемінде 350 мың фермерлік және үй шаруашылықтарын тарту жоспарлануда, олар қосылған құны жоғары түпкі қазақстандық өнімді құруға қатыса алады.
     
     Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

    "Қазатомөнеркәсіп" физикалық уран қорына 50 млн доллар инвестициялайды

    18.10.2021, 18:12 13420
    НҰР-СҰЛТАН. 18 ҚАЗАН - "Қазатомөнеркәсіп" ұлттық атом компаниясы" АҚ "ANU Energy OEIC Ltd." табиғи уран қорына қатысады, деп хабарлайды KAZAKHSTAN TODAY "Қазатомөнеркәсіп" ұлттық атом компаниясы" АҚ баспасөз қызметіне сілтеме жасап.
     

    Қор "Астана" халықаралық қаржы орталығының (АХҚО) алаңында құрылды. Қордың мақсаты – уранды ұзақ мерзімді инвестиция ретінде сақтау, ал бастапқы сатып алу Қор құрылтайшыларының 50 миллион АҚШ доллары мөлшеріндегі бірлескен инвестициялары есебінен жүзеге асырылады. Қордың инвесторлары: Қазатомөнеркәсіп – 48,5%, "Қазақстан Ұлттық Банкінің Ұлттық инвестициялық корпорациясы" АҚ (ҰИК) – 48,5% және 3%-ды иеленетін Genchi Global Limited ("Қор менеджері")", - деп хабарлады компанияның баспасөз қызметі.

     
    Қордың операциялық қызметі басталғаннан кейін оны дамытудың екінші кезеңі шеңберінде уранның қосымша көлемін сатып алу мақсатында жария немесе жеке орналастыру арқылы 500 миллион АҚШ долларына дейінгі мөлшерде институционалдық және/немесе жеке инвесторлардан қосымша инвестициялар тарту көзделеді, бұл ретте орналастыру параметрлері мен мерзімдері нарықтық шарттармен айқындалатын болады.
     

    Қор Қазатомөнеркәсіптің уран нарығындағы тәжірибесін және ҰИК-тің сенімді инвестициялық тарихын біріктіріп, АХҚО құралдарының арқасында инвесторларға уран нарығы мен атом өнеркәсібінің тартымды ұзақ мерзімді іргелі мүмкіндіктеріне тікелей қол жеткізуге жол ашады", - деді Қазатомөнеркәсіптің Басқарма төрағасы Мәжит Шәріпов.

     
    Оның айтуынша, Компания ANU Energy жобасы бойынша төрт жылдай жұмыс істеген болатын, ал Қорды құрудың уран нарығында қысқарып бара жатқан ұсыныс жағдайында жүзеге асырылуы барлық стейкхолдерлерге елеулі пайда әкеледі.
     
    Қорды құрушылардың пікірінше, таза энергия көздеріне, оның ішінде төмен көміртекті және минималды климаттық әсер артықшылықтарына ие атом энергетикасына жаһандық қарқынды назар аударылуы уран өнеркәсібі үшін сенімді инвестициялық тезис болып табылады. Алайда, соңғы уақытта бірқатар халықаралық және аймақтық инвесторлар тарапынан қызығушылықтың артуына қарамастан, табиғи уранға қол жеткізу екі уран қорымен шектелген болатын, олардың бірі Канададағы Торонто Қор Биржасында, ал екіншісі Лондондағы AIM Exchange (Лондон қор биржасының бөлігі) қор биржасында. 
     
    АХҚО алаңында құрылған ANU Energy қоры дамушы нарықтарға инвестицияларын бағыттайтын, әсіресе экология, әлеуметтік жауапкершілік және корпоративтік басқару (ESG) мәселеріне және таза энергияға назар аударатын инвесторлардың әртүрлі санаттарына, сондай-ақ шикізат қорларына, тәуелсіз қорларға және мемлекеттік кәсіпорындарға ықтимал тікелей қолжетімділікті қамтамасыз ететін алғашқы уран қорына айналады.
     
    Anu Energy – тәуелсіз компания, ал Қордың білікті Директорлар кеңесі уран қорларын жауапты басқаруды жүзеге асыру мақсатында корпоративтік басқаруды қамтамасыз ететін болады.
     
     Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

    Атырау мұнай өңдеу зауытын жөндеу мерзімін келесі жылға ауыстыру туралы шешім қабылданды

    18.10.2021, 17:36 14851
    Атырау мұнай өңдеу зауытын жөндеу мерзімін келесі жылға ауыстыру туралы шешім қабылданды
    Сурет: ашық көздерден
    АТЫРАУ. 18 ҚАЗАН - Энергетика министрі Мағзұм Мырзағалиев Атырау мұнай өңдеу зауытында дизель отынымен қамтамасыз ету мәселелері бойынша кеңес өткізді. Ведомство басшысына ішкі нарықтағы ағымдағы жағдай туралы баяндалды, ҚР Энергетика министрлігінің баспасөз қызметіне сілтеме жасап.
     
     "ҚазМұнайГаз" ҰК АҚ деректері бойынша, отандық мұнай өңдеу зауыттары барынша жүктелген. Мұнай өнімдерінің негізгі түрлері бекітілген жоспардан асыра өндірілуде.
     

    Айта кету керек, тамыз-қыркүйек айларында Қазақстанда дизель отынын нормадан тыс жоғары тұтынуы тіркелді. Бұның себебі, дизель отынының бағасы төмен болғандықтан, оның транзиттік жүк көліктерімен ағыны орын алды. Бүгінгі таңда осы жағдай қолмен басқару режиміне көшті. Энергетика министрлігі нарықты тез арада тұрақтандыру және сапалы отынмен қамтамасыз ету міндетін қойды. Күн сайын Шымкент зауытында шамамен 5,5 мың тонна дизель отыны, Атырау зауытында 4,4 мың тоннаға жуық дизель отыны өндіріледі", – деп хабарлады ұлттық компания басқармасы төрағасының орынбасары Данияр Тиесов.

     
    14 күн ішінде екі зауыт 133 мың тонна дизель отынын өндірді, бұл жоспарлы көрсеткіштерден 4 мың тоннаға артық. Ағымдағы жылдың 9 айында үш МӨЗ-де барлығы 3,7 млн. тонна дизель отыны өндірілді.
     
    Сонымен қатар Д. Тиесов қыркүйек айында егін жинау науқанына өтінімдер толығымен жабылғанын, оларға дизель отыны жеңілдікпен сатылғандығын атап өтті.
     
    Сондай-ақ, кездесу барысында басқарма басшысына мұнай өнімдері нарығындағы қалыптасқан жағдайға байланысты Атырау мұнай өңдеу зауытын жөндеуді келесі жылға ауыстыру туралы шешім қабылданғанын хабарлады.
     
    Ағымдағы жылдың 9 айында АМӨЗ 4 006 000 тонна мұнай өңдеп, 1 168 276 тонна дизель отыны, 935 738 тонна автомобиль бензинін өндіріп шығарды.
     
    Өз кезегінде Энергетика министрі мұнай өңдеуші компаниялардың басшыларынан кәсіпорындардың үздіксіз жұмысын қамтамасыз етуді талап етті.
     

    МӨЗ" басшылығы мен ұжымының бірінші кезектегі міндеті зауыттың сенімді және тұрақты жұмыс істеуі болып табылатынын ерекше атап өткім келеді. Зауыттың істен шығуына әртүрлі себептерді айтуға болады. Алайда елімізде мұндай жағдай енді қайталанбауы тиіс", - деді Мағзұм Мырзағалиев.

     
    Басқарма басшысы автожанармай құю станциясында сатылатын дизель отынының сапасына да тоқталды.
     

    ҚазМұнайГаздан" барлық жеткізу тізбегі бойынша МӨЗ-ден АЖҚС-қа дейін жанар-жағармай материалдарының сапасын бақылау жүйесі бойынша ұсыныстар енгізуді сұраймын", - деп қорытындылады министр.

     
    Кеңес қорытындысы бойынша Мағзұм Мырзағалиев ұлттық компанияға барлық МӨЗ-дің тұрақты жұмыс істеуін, сондай-ақ Атырау МӨЗ-іне электр энергиясын үздксіз жеткізу бойынша шараларды тұрақты бақылауда ұстауды тапсырды.

     
     
     Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

Ең көп оқылғаны