"ЭКСПО - 2017" мамандандырылған халықаралық көрмесі қарсаӊында Ақмола облысыныӊ Арнасай ауылында 10 эко-қонақ үй ашылады
"ЭКСПО-2017" қарсаӊында Ақмола облысыныӊ Аршалы ауданындағы инновациялық ауылда 10 эко-қонақ үй ашылмақ. Бұл туралы аймақ басшысы М?лiк Мырзалиннiӊ ауданға жұмыс сапары барысында айтылды.
Көкшетау. 31 мамыр. Kazakhstan Today - "ЭКСПО-2017" қарсаӊында Ақмола облысыныӊ Аршалы ауданындағы инновациялық ауылда 10 эко-қонақ үй ашылмақ. Бұл туралы аймақ басшысы Мәлiк Мырзалиннiӊ ауданға жұмыс сапары барысында айтылды. Елорданыӊ iргесiндегi Арнасай ауылы өзгелерден ерекше. Бүгiнгi таӊда шағын елдi мекен жасыл технологиялардыӊ алаӊына айналған. Ауылда "ЭКСПО-2017" көрмесi қарсаӊында бiрқатар жобалар жүзеге асырылуда. Оған ауылдағы қарапайым тұрғындар да асқан қызығушылық танытып, өз үлестерiн қосуда. Атап айтқанда, табиғат қорғаушы, қуат сақтаушы, су үнемдеушi, өнiмдi арттырушы және басқа да жақсы қасиеттерi бар "жасыл" технологиялар жаппай ендiрiлген бұл ауыл "ЭКСПО-2017" жаһандық көрмесiнде отандық бренд ретiнде шетелдiк қонақтардыӊ назарына ұсынылатын болады. Ауданға жұмыс сапары барысында осы ауылда болған аймақ басшысы қолға алынған жобалармен танысып,
"ЭКСПО-2017" кезiнде осында аялдайтын шетелдiк туристердi қарсы алу дайындығына назар аударды. Жасыл технологиялар орталығыныӊ жетекшiсi Татьяна Немцанныӊ айтуынша, бүгiнде 168 аулада тамшылатып суару жүйесiн кәдеге жаратуда. Енгiзiлiп отырған технологиялардыӊ тиiмдiлiгi әуелi жан-жақты сыналады. "2015 жылы ашылған "Арнасай" жасыл технологиялар орталығында алғашқы кезде 400 шаршы метрлiк органикалық бау-бақшада барлығы 7 жасыл технология қолданылды. Бүгiнде оныӊ саны 35-ке жетiп отыр",-дедi Татьяна Немцан. "ЭКСПО-2017" басталатын сәтте инновациялық ауылда Астана тұрғындары мен қонақтары үшiн 10 эко-қонақ үй ашу жоспарланған. Арнасайдағы тағы бiр жарқын жоба "EXPO Camp" жастардыӊ "жасыл" лагерi болып табылады. "Жасыл экономиканы қолдау мен G-Global-ды дамыту коалициясы" ЗТБ басқармасы өкiлдерiнiӊ айтуынша, аталмыш лагердi ағымдағы жылдыӊ 6 маусымында ашу жоспарланған. Облыс әкiмi Мәлiк Мырзалин Арнасайдағы жасыл технологиялық ?дiстi қолданудыӊ тиiмдiлiгiн айта келе, жазғы лагердiӊ балалар үшiн қауiпсiз әрi санитарлық тазалығы жағына алғанда талапқа сай болуы қажеттiгiн атап өттi.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.