АЛМАТЫ. 3-қазан. Kazakhstan Today. Елдің халықаралық резервтері жалпы алғанда (ағымдағы бағамен) Ұлттық Қордың ақшасын (алдын-ала деректер бойынша 11 513,7 млн. долл.) қоса алғанда 24 986,0 млн. долларға жетіп, өткен айда 2,1 % өсті. Бұл туралы Kazakhstan Today тілшісіне Ұлттық банктің баспасөз қызметі хабарлады.
2006 жылғы қыркүйекте Ұлттық Банктің халықаралық резервтері төмендеді.
Ұлттық Банктің таза халықаралық резервтерінің ағымдағы бағасы 0,5%-ға (немесе 69,8 млн. долл.) төмендеді. Қаржы министрлігінің сыртқы борышына қызмет көрсету, Ұлттық қордың активтерін толықтыру және ішкі валюта нарығында валюта сату бойынша операциялар жүргізу таза валюта қорларының (ЕАВ) 31,6 млн. долл. төмендеуіне әкелді. Алтындағы активтер оның әлемдік нарықтардағы бағасының 3,2% төмендеуі нәтижесінде 38,2 млн. долл. азайды.
Тұрақты бағамен Ұлттық Банктің таза халықаралық резервтері 0,2%, ЕАВ-дағы таза активтер - 0,3% төмендеді, алтындағы активтер өзгерген жоқ.
2006 жылғы 1 қазанда Қазақстан Республикасы Ұлттық қорының (бұдан әрі - Ұлттық қор) шоттарындағы ұлттық валютадағы айырбасталуға жататын сома 43,3 млрд. теңгені құрады.
Ұлттық Банк 2006 жылғы қазанда Қордың ақшасын бұдан әрі инвестициялау мақсатында осы соманы рұқсат етілген қаржы құралдарына айырбастауды жүзеге асырады. Айырбастау Ұлттық Банктің алтын-валюта активтерінен шетел валютасын немесе шетел валютасындағы қаржы құралдарын Ұлттық Банктің операциялар жүргізілетін күні белгіленген ресми бағамы бойынша сату не ішкі валюта нарығында теңгеге шетел валютасымен операциялар жүргізу кезінде қалыптасқан бағам бойынша сатып алу арқылы жүзеге асырылуы мүмкін. Бұл ретте Қордың шоттарына бір ай ішіндегі теңгедегі түсімдер ағымдағы айдың аяғында немесе келесі айдың басында кепілдік берілген трансферттің бекітілген көлеміне сәйкес жүзеге асырылатын кепілдік берілген трансферттер түріндегі Қордың шығыстары үшін жеткілікті соманы жинақтағанға дейін айырбастауға жатпайды.
2006 жылғы қыркүйекте Ұлттық Банктің таза ішкі активтерінің өсуі (айналыстағы қысқа мерзімді ноталар көлемінің төмендеуі) ақша базасының 8,8%-ға (немесе 97,2 млрд. теңгеге) кеңеюіне себепші болды. Бұл ретте, аз ақша базасының кеңеюі (ҚРҰБ-дегі ЕДБ мерзімді депозиттері есепке алынбаған) 12,0% (немесе 123,4 млрд. теңге) болды.
2006 жылғы тамызда ақша массасы банк жүйесіндегі таза ішкі активтердің ұлғаюы салдарынан 5,4%-ға, 2 965,1 млрд. теңгеге дейін ұлғайды.
Айналыстағы қолма-қол ақша 3,0%-ға, 555,0 млрд. теңгеге дейін төмендеді, ал банк жүйесіндегі депозиттер 7,5%-ға, 2 410,2 млрд. теңгеге дейін ұлғайды. Айналыстағы қолма-қол ақшаның азаюы аясында тамызда депозиттердің өсуі ақша массасы құрылымындағы депозиттер үлесінің 79,7% - 81,3% дейін ұлғаюына себепші болды.
Тамызда ақша базасының тарылу аясында ақша массасы көлемінің ұлғаюы ақша мультипликаторы мәнінің 2,42-ден 2,70-ке дейін ұлғаюына себепші болды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Елдің халықаралық резервтері жалпы алғанда қыркүйекте 2,1 процентке өсті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.