Еліміз инвесторлар тартуда әлем бойынша 17 орынға көтерілді
Яғни бұл сырттағы небір алпауыт мемлекеттердің Қазақстанмен өзара ықпалдасуға деген сенімі болса керек.
Астана. 8-қаңтар. Kazakhstan Today - Еліміз инвесторлар тартуда әлем бойынша 17 орынға көтерілді, деп хабарлайды Kazakhstan Today агенттігінің тілшісі.
Яғни бұл сырттағы небір алпауыт мемлекеттердің Қазақстанмен өзара ықпалдасуға деген сенімі болса керек.
Себебі, олар еліміздің экономикалық тұрақталығын айқын сезінді және соған көз жеткізді. Мұнай-газ саласы, одан қала берді уран өндіруде ірі державалардың алдына шықтық. Мұның сыртында бидай өнімін экспорттаудан 6-шы орынға табан тіредік. Тек шикізаттың емес, үдемелі индустриялды инновациялық жобалар шеңберінде іске қосылған жобалар да айтарлықтай жемісін беріп, Мемлекетке алғашқы табыстарын әкеле бастады. Кешегі жобалар іс жүзінде ішкі өнімнің өсуіне негізгі фактор болды. Сондықтан, дайын өнімді сыртқа шығару көлемі қазір 22 млрд. доллардан асты. Бұған негізгі түрткі болған еліміздегі қабылданған түрлі заңдық құжаттар... Бір ғана мысал, салық кодексі шағын және орта кәсіпкерлікке қолайлы жағдай туғызды. Ирине, мұнда салыстырмалы тұрғыдан қарау заңдылық. Салық жеңілдетілген механизмде белгіленіп, Ресейге қарағанда 1 жарым, 2 есеге төмендетілді.
Айта кету керек, Қазақстанның 2012 жылғы әлеуметтік-экономикалық қарқынын мойындап, британдық сарапшылар да тиісті бағаларын берді. Мемлекетіміз жалақы мен зейнетақыны жыл санап көтеруде серпінді дамыған елдердің қатарына көтеріліпті. Тек Орта Азия аумағындағы кейбір мемлекеттердің тұтас жалпы ішкі өнімін қосқанда Қазақстанда бұл көрсеткіш 2 есеге артық шығып, аймақтағы тұрақты нарықтық экономикасы бар ел ретінде мойындалды. Отандық ғалымдарымыз да өткен жылғы ел экономикасын сараптауда. Мемлекеттік бағдарламалар негізінде тиімді кәсіпорындар жұмыс істеді, соларға барынша көңіл бөлінді. Өнеркәсіпті қолдай отырып, Мемлекет қаржы кәсіпорындарын жүйелендіре түсті. Банктердің, инвестициялық, басқару, сақтандыру, және зейнетақы қорларының жұмысын бір ізді етуге талпынды. Осылайша кейбір Еуропа елдері экономикалық дағдарыстың шырмауына түскенде, біздің Мемлекет ұзақ мерзімді стратегиялық жобалар қатарын рет-ретімен келтірді. Бюджет тапшылығына жол берілмеді, Ұлттық қорымыз қазынаға тола түсті. Бұл отандық сарапшылардың пікірі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.