АСТАНА. 9-тамыз. Kazakhstan Today. Елімізде қазір арнаулы науқан барысында салық мекемелерінде 1,2 млн. теңгенің мүлкі заңдастырылуда. Бұл туралы ҚР қаржы министрлігі салық комитетінің төрағасы Нұрлан Рахметов бүгін өткен баспасөз мәслихатында құлағдар етті, деп хабарлайды Kazakhstan Today тілшісі.
"Қазіргі жағдаймен салық мекемелеріне мүлікті заңдастыру жөнінде 10 өтініш келіп түсті. 9 өтініш қабылданды",- деді Н.Рахметов. Оның айтуынша, заңдастырылатын мүліктің жалпы құны 1,2 млн. теңгені құрайды. Олардың 1 млн. теңгесі - заңдастырылатын ауылшаруашылығы техникасының құны.
Комитет төрағасының айтуынша, "мүлікті заңдастыру шаралары Алматы, Жамбыл, Қарағанды, Қостанай және Солтүстік Қазақстан облыстарында жүзеге асырылған".
Бұған қоса комитет төрағасы барлық техникалық және процедуралық мәселелер шешілгеннен кейін заңдастыру шарасы қазіргіден қарқынды жүргізіледі дегенге сенім білдірді.
"Өткен аптада мүлікті заңдастыруға байланысты алым жинайтын 206110 санды бюджеттік классификациялық код бекітілді. Қазіргі жағдаймен екінші деңгейлі банктер одан хабардар болды. Демек, мүлікті заңдастырушы субьектілер енді осы алымды төлей алады. Сол себепті келесі аптадан бастап салық мекемелеріндегі мүлікті заңдастыру шарасы қарқындана түседі деп сенеміз",- деді Н.Рахметов.
Бұдан бұрын да хабарлағанымыздай, мүлікті заңдастыру науқаны "Мүлікті заңдастыруға байланысты рақымшылық жариялау туралы" заңды жүзеге асыру аясында 1-шілде мен 31-желтоқсан аралығында жалғасады. Науқан барысында жылжымалы және жылжымайтын мүлік заңдастырылмақ. Заңға сәйкес, заңдастыру шарасы салық мекемелері арқылы да, жергілікті атқарушы билік органдарындағы арнаулы комиссиялар арқылы да іске асырылады. Салық мекемелері арқылы республика аумағынан тысқары жерлердегі ақша мен бағалы қағаздар, жылжымайтын мүліктер, сондай-ақ, тиісті адамның атына рәсімделмеген мүлік пен бағалы қағаздарды заңдастыруға болады. Ал жергілікті атқарушы билік органдарындағы арнаулы комиссиялар меншіктену құқығы заңға сәйкес рәсімделмеген Қазақстан аумағындағы жылжымайтын мүлікті легализациялайды.
Елімізде арнаулы науқан барысында салық мекемелерінде 1,2 млн. теңгенің мүлкі заңдастырылады - толықтырылған нұсқа
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.