Еліміздің азық-түлік қауіпсіздігін қамтамасыз ету - Қазақстанның таяу 10 жылдағы стратегиялық міндеті
Астана. 19 мамыр. "Қазақстан Бүгін" - Еліміздің азық-түлік қауіпсіздігін қамтамасыз ету - Қазақстанның таяу 10 жылдағы стратегиялық міндеті. Бұл туралы бүгін Ақордада мемлекет басшысы Нұрсұлтан Назарбаев ҚР Қауіпсіздік кеңесінің кезекті отырысында мәлімдеді, деп хабарлайды "Қазақстан Бүгін" агенттігінің тілшісі. Қауіпсіздік кеңесінің кезекті отырысында еліміздің азық-түлік қауіпсіздігін қамтамасыз ету мәселесі талқылануда.
"Жоспарға сәйкес, біз бүгін бір мәселені - еліміздің азық-түлік қауіпсіздігін қамтамасыз етуді қарастырамыз. Азық-түлік тағамдарын өндіруде Қазақстан әлемде салмақты орынды иеленеді. Бізге еліміздің азық-түлік қауіпсіздігін қамтамасыз ету үшін көп жұмыс істеу керек. Бұл біріншіден. Екіншіден, біз өзіміздің ауыл шаруашылығымызды инновациялық экономиканың бір саласы ретінде дамытуымыз қажет", деді кеңесті ашқан мемлекет басшысы.
Осы орайда Елбасы еліміздің Ішкі жалпы өніміндегі ауыл шаруашылығының қосылған құнының көлемін және ауыл шаруашылығы өнімдерінің экспорттағы жалпы көлемін ұлғайту қажеттігін атап көрсетті. "Бұл - өте ауқымды, әрі күрделі міндет", деді Н. Назарбаев.
"Біз аграралық кешенді тұңғыш рет бірінші орынға қойып отырмыз. Бүгін осы мәселені талқылап тиісті шешім қабылдаймыз", деді ол. Елбасы ауылшаруашылығы саласында дәнді-дақылдарды өсіруге ғана емес, сонымен қатар ет, сүт, көкөністерді өсіруге де айрықша ден қою қажеттігін атап көрсетті.
Мемлекет басшысы еліміздің азық-түлік қауіпсіздігін қамтамасыз ету стратегиялық міндет екенін атап айтты. "Біз екі бес жылдыққа бөлетін таяудағы 10 жылда осы мәселені шешетін боламыз. Өкінішке қарай, соңғы жылдары ауыл шаруашылығының үлесі ұлғайып жатқан жоқ, төмендеп отыр. Бұл, мүмкін, Ішкі жалпы өнімнің жалпы көлемінің өсуімен байланысты болар. Ішкі жалпы өнімнің жалпы көлеміндегі ауыл шаруашылығының жалпы өнімінің көлемі де ұлғаймай, төмендеп барады. Сондықтан бізге осы мәселелердің бәрін шешу қажет", деді президент.
Елбасы 2003 жылдан бері мемлекет ауыл шаруашылығын қолдауға 500 млрд теңгеден астам қаржы бағытталғанын атап көрсетті. "Біз жан басына шаққанда бидай өндіру көрсеткіші бойынша әлемде бірінші орын иемденеміз - ол 1 тоннадан асады. Бұл - жақсы сан болғанымен, басқа өнімдер өндірісіне қарағанда сапалық көрсеткіштердің артқанын көрсете алмайды", - деді Н. Назарбаев.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.