Еліміздің оңтүстік аймақтарында геологиялық барлау бойынша шағын кластерді дамыту жоспарлануда- Ж.Иділов
"Ал, болашақ энергиясына келетін болсақ өте көп ғалымдар бұл мәселемен айналысуда. Атап айтатын болсақ, біздің университет ресейлік ғалымдармен болашақ энергиясын іздестіру бойыша бірлесіп жұмыс істеуде. Алғашқы жоба ғарыштық және күн электростанциясымен тығыз байланысты", - деді оқу орынының ректоры.
Алматы. 12 наурыз. Kazakhstan today. Қазақстанның оңтүстік аймақтарында геологиялық барлау бойыша шағын кластерді дамытуды жоспарлаудамыз, деп ҚР Президенті жанындағы ОКҚ өткен брифингте Қ. Сатпаев атындағы Қазақ техникалық ұлттық университетінің ректоры Жексенбек Иділов мәлім етті.
"Мемлекет басшысы геологиялық барлау саласы бойынша үлкен жаһандық міндет қойды. Индустрия және жаңа технологиялар министрлігі, оның ішінде Геология комитеті осы бағытта белсенді жұмыс істеп келеді. Белгілі болғандай Назарбаев университетінің жанынан аталмыш кластер жасақталып, нақты міндеттер айқындалған. Бұл елімізде осы бағытта мықты кластер қалыптасады деген сөз емес. Біз оңтүстік аймақтарға осы сала бойынша шағын кластерді дамытуды жоспарлаудамыз. Себебі, 80 жылдық тәжірибемізбен зерттеулеріміз бар, демек геологиялық барлау саласы бойынша болашағымыз да бар", - деп Ж. Иділов ағынан жарылды.
Сонымен қатар, оның айтуынша, сирек кездесетін металлдарды іздестіру бойынша тапсырма берілді.
"Экономиканың жаңа салалары пайда болуда, және олар үшін сирек кездесетін металлдар мен оларды өңдеу бойынша технологиялар да керек", - деп Ж.Иділов толықтырды.
Сонымен қатар, ол мобільді, мультимедиялық, нано- және ғарыштық технологиялардың салаларының негізін салу тапсырылды, деп атап өтті.
"Ал, болашақ энергиясына келетін болсақ өте көп ғалымдар бұл мәселемен айналысуда. Атап айтатын болсақ, біздің университет ресейлік ғалымдармен болашақ энергиясын іздестіру бойыша бірлесіп жұмыс істеуде. Алғашқы жоба ғарыштық және күн электростанциясымен тығыз байланысты", - деді оқу орынының ректоры.
Естеріңізге сала кетейік, мемлекет басшысы халыққа Жолдауында Қазақстан геологиялық барлау бойынша әлемдік нарыққа енуі керек деп атап өткен еді.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.