АСТАНА. 28-қараша. Kazakhstan Today. Еліміздің туризм және спорт министрлігі және оған бағынышты спорт комитетінде кейінгі үш жылда жалпы сомасы 1750,3 млн.теңге көлеміндегі заң бұзушылықтарға жол берген, оның ішінде 821,9 млн.теңге бюджет қаражатын - тиімсіз, 224,8 млн.теңгені - негізсіз жұмсаған, сондай-ақ өзге заң бұзушылықтар 703,0 млн.теңгені құрады. Сонымен бірге, мемлекеттік сатып алу туралы заң талаптары 3748,2 млн.теңге көлемінде бұзылған. Бұл туралы Kazakhstan Today агенттігі Республикалық бюджеттің атқарылуын қадағалау жөніндегі есеп комитетінің баспасөз қызметіне сілтеме жасап хабарлайды.
Министрлік үкіметтің қаулыларын орындамау салдарынан Риддер қаласындағы спортқа дарынды балаларға арналған республикалық мектеп-интернатына берілуі тиіс "Лениногор" шипажайы республика меншігіне берілмей қалған және Олимпиадаға дайындық орталығы туралы ереже әзірленбеген.
Уәкілетті орган штаттық ұлттық командалар мен спорттық резервтің жетекші спортшыларымен және бапкерлерімен келісім-шарттар жасасқан кезде олардың жұмысының түпкілікті нәтижесі ескерілмей қалған, бұл өз кезегінде бюджет қаражатының тиімсіз жұмсалуына әкелді.
Тексеру барысында "Штаттық ұлттық командалар мен спорттық резерв дирекциясы" РМҚК мен Астана қаласының "Олимпиадаға дайындық орталығы" бойынша қонақ үйлерде тұрғаны және тамақтанғаны үшін ақша төленгенін растайтын құжаттарсыз есептен шығарылған 5,0 млн.теңгенің орны толтырылды.
Спорт комитеті мемлекеттік сатып алу туралы заң талаптарын бұза отырып, аффилирлік байланыстағы және шарттағы міндеттемелерін әрдайым орындай бермейтін тұлғалардың ашық байқауға қатысуына жол берген.
Жалпы сомасы 40 млн.теңгенің спорттық жабдықтары мен саймандары сатып алынып, бірнеше жылдар бойы пайдаланбай жатқаны анықталды.
Мектеп-интернат оқушыларының оқу мерзіміне, дене шынығу деңгейіне, спорттық нәтижелеріне қатысты нақты өлшемдер мен нормативтерді белгілейтін Регламент пен ереженің болмауы салдарынан мектеп-интернаттарға бөлінген қаржы тиімсіз жұмсалған.
Спорт комитеті спорттық мақсаттағы объектілердің жөндеу және құрылыс жұмыстарына бақылау жасамағандықтан, республикалық бюджет қаражатының елеулі бөлігі негізсіз жұмсалып кеткен. Жекелеген мердігерлер құрылыс жүргізу барысында банк кепілдемесін кешіктіріп ұсынған, алынған авансты бірнеше ай бойы айналымға жіберген, ал бұл үшін тапсырыс беруші айыппұл салмаған.
Отырысты қорытындылай келе, Есеп комитеті Туризм және спорт министрлігіне, ҚР Қаржы министрлігінің мемлекеттік мүлік және жекешелендіру комитетіне Шығыс Қазақстан облысының әкімімімен бірге 2 ай ішінде Риддер қаласындағы Республикалық спортқа дарынды балаларға арналған мектеп-интернатына берілуі тиіс "Лениногор" шипажайын республика меншігіне беру туралы Қазақстан Республикасы үкіметі қаулысының орындалуын қамтамасыз етуді; министрлікке бапкерлермен жасалатын келісім-шарт талаптарын әзірлеуді, жергілікті бюджеттен жекелеген спорттық іс-шараларды қалыптастыруды, сатып алынған спорттық жабдықтарды бір ай ішінде пайдалануға беруді; қаржылық бақылау және мемлекеттік сатып алу комитетіне мемлекеттік сатып алу туралы заң талаптарын бұзған лауазымды адамдарды әкімшілік жазаға тарту жөнінде шаралар қолдануды ұсынды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Еліміздің туризм және спорт министрлігінде қаржылық заң бұзушылықтар анықталды
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.