Есеп комитеті бюджет қаржысын тиімсіз пайдаланғаны үшін ұлттық компаниялардың менеджерлерінен сыйақыларды өндіріп алуды ұсынады
Астана. 5 ақпан. Kazakhstan Today - Есеп комитеті бюджет қаржысын тиімсіз пайдаланғаны үшін ұлттық компаниялардың менеджерлерінен сыйақыларды өндіріп алуды ұсынады. Бұл туралы Есеп комитетінің төрағасы Омархан Өксікбаев мекемеде өткен алқа мәжілісінде мәлім етті, деп хабарлайды Kazakhstan Today.
"Мен мемлекетке шығын келтірген ұлттық компаниялардың менеджерлерінен сыйақылары мен бонустарын өндіріп алу жөнінде заңнамаға норма енгізуді ұсынар едім", - деді Омархан Өксікбаев.
"Жуырда біз Есеп комитетінің отырысын өткіздік, онда бір ұлттық холдингтің басшысы былай деп мойындады, оның сөзін толық келтірейін: "Менеджерлер көп жағдайда кәсіби басқарушылық шешімдер қабылдауға дайын емес". Мен бұған олар қателіктері үшін жауапкершілік жүктеуге де дайын емес деп қосар едім. Ал қолданыстағы заңнамада бұл туралы қарастырылмаған", - деді Есеп комитетінің төрағасы.
Омархан Өксікбаевтың айтуынша, "аса тәуекелді, экономикалық тұрғыда тиімсіз шешімдер қабылдау оқиғалары да бар". "Тіпті елдің экономикалық қауіпсіздігіне қатер төндіретін, сол арқылы бюджеттің қыруар қаражатының шығынға ұшырауына алып келген шешімдер бар десем артық айтпаймын", - деді ол.
Мекеме басшысы бұл жерде "Инжиниринг және технологиялар трансферті" АҚ-ындағы бақылау нәтижесін мысалға келтірді. Ондағылар "шетелдік компаниялардың акцияларын 2,7 млрд теңгеге сатып алған, бірақ ол осы сатып алу кезінде-ақ шығынды болған". "Сатып алудан кейін акциялар 1 млрд астам теңгеге, немесе орта есеппен 42%-ға құнсызданған", - деді ол.
Бұған қоса Омархан Өксікбаевтың айтуынша, "республикалық бюджеттен "Ұлттық инновациялық қор" АҚ мен "Қазақстанның инвестициялық қоры" АҚ-ның жарғылық капиталын құруға осы жылдарда 70 млрд астам теңге бөлінген".
"Осыған байланысты бұл акционерлік қоғамдардың 2007-2008 жылдардағы қаржылық-шаруашылық іс-қызметінің нәтижесі 25,5 млрд теңгенің шығынына алып келді", - деді Есеп комитетінің төрағасы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.