АСТАНА. 25-мамыр. Kazakhstan Today. Республикалық бюджеттің орындалуын қадағалау жөніндегі Есеп комитетінің басшысы салық заңнамасына өзгерістер енгізуді ұсынады. Бұл туралы Kazakhstan Today тілшісіне комитеттің баспасөз қызметі хабарлады.
Баспасөз қызметінің ақпаратына сәйкес, парламент сенатында сөз сөйлеген О.Өксікбаев "Салық кодексін өзгертетін мерзім жетті", деп мәлімдеді. Оның айтуынша, салық әкімшілігінің механизмі күрделі және тиімділігі төмен, салық заңнамасындағы нормалар мен ережелер екіұшты талқылауға мүмкіндік беретіндей өзара қарама-қайшылықта, ал уәкілетті орган тарапынан салық тексерулерінің сапасын көтеруге және салық әкімшілігінің механизмдерін жеңілдетуге жүйелі шаралар қолданылмайды.
Есеп комитетінің бағалауынша, салық заңнамасындағы жекелеген нормалар, атап айтқанда, ҚР салық төлеушілерінің мемлекеттік реестрінен шартты түрде шығарылған тауар сатушылар (жұмыс және қызмет) бойынша салық салынатын кірісті айқындауда салық төлеушілердің шығындарын алып тастауға қатысты бөлігі нақтылауды талап етеді. Осы норманы қолдану салдарынан республикалық бюджет тек "Қазвторцветмет" АҚ бойынша ғана 20 млн теңгеден айрылған.
"Есеп комитетінің тексеру материалдарына сәйкес, Бюджеттік кодекс пен Салық кодексі нормаларының бір-біріне сәйкессіздігі байқалады. Мәселен, аумақтық салық комитеттері республикалық бюджетке артық төленген салықтың сомасын, сонымен қатар, республикалық бюджеттен қайтарылуға тиіс қосалқы құн салығының сомасын жергілікті бюджеттердің түсіміне қосылатын басқа да салық түрлері бойынша берешектердің төлемі ретінде есепке алады",- деп хабарлайды баспасөз қызметі.
Комитеттің хабарлауынша, бұл жайт салық мекемелеріне түрлі деңгейдегі бюджеттерге түспей қалған қаржыны өз бетінше реттеуге және республикалық және жергілікті бюджеттерге түсетін түсімдер бойынша тапсырмалардың орындалуын асырып көрсетуге мүмкіндік береді.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Есеп комитетінің басшысы салық заңнамасына өзгерістер енгізуді ұсынады
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.