АЛМАТЫ. 9-қаңтар. Kazakhstan Today. Қазақстанның "Қазагро" ұлттық фермерлер одағы аграрлық сектордағы корпоративтік, орта және шағын бизнес салалары үшін жағдай бірдей жасалмайтындығы туралы мәлімдеме жасады, деп хабарлайды Kazakhstan Today тілшісі.
"Аграрлық сектордағы корпоративтік, орта және шағын бизнес құру үшін жағдай жасауда айтарлықтай диспропорция бар",- деп мәлім етті бүгінгі Алматыда өткен баспасөз мәслихатында одақтың президенті Балтабай Рахымжанов.
Көбінесе, мемлекет бөлген қаржы негізінен ірі агроқұрылымдар мен фермерлік шаруашылыққа бөлінеді, деп түсіндірді ол. "Дербес қосалқы шаруашылықтар бұлардың бәрінен құр қалып отыр, оларды керісінше ауылдық жерлердегі салық базасын құруға пайдаланып отыр",- деді Б. Рахымжанов. Ол 25 соттық (бір гектардың төрттен бірі) жер үлесіне төленетін салық сомасы 750 теңгені құрайды, ал ірі ауыл шаруашылық құрылымдар мен фермерлік шаруашылықтар пайдаланып отырған жердің әрбір гектары үшін 26 теңге көлемінде біртұтас жер салығын төлейді. "Осындай арақатынас көптеген позициялар бойынша көрініс беріп отыр",- деді ол.
Сонымен қатар, "Қазагро" басшысы 2004 жылдың мамыр айында ынтымақтастық туралы келісім жасасқан және де парламент сайлауында қолдау көрсеткен "Отан" республикалық саяси партиясы экономиканың аграрлық секторындағы шағын бизнеске қолдау көрсетуге бағытталған нақты шаралар жасамай отырғандығын айтып өтті. "Біз саяси кеңес пен парламенттік фракция тарапынан ешқандай нақты қолдау таба алмадық",- деді Б. Рахымжанов. Осыған байланысты фермерлер одағы өздерінің желтоқсан айында өткен кезекті мәслихатында "Отан" партиясымен жасалған келісім қатынасын тоқтатуға шешім қабылдады.
Сонымен қатар, Б. Рахымжанов әңгіменің жаңартылған "Нұр Отан" партиясы туралы емес, "Отан" партиясы туралы болып отырғанын баса айтты. "Мен жаңа "Нұр Отан" партиясы туралы айтып отырған жоқпын, олар өз ісімен дәлелдесін, мен "Отан" туралы айтып отырмын",- деді қоғамдық бірлестіктің басшысы. Ол, сондай-ақ, одақтың ауылға нақты көмек көрсетуге ынталы барлық саяси күштермен ынтымақтастық жасауға дайын екендігін хабарлады.
Одақ таратқан баспасөз баянына сәйкес, бүгінде Қазақстанда аграрлық секторда шағын және орта бизнестің 2 млн. шаруашылық субъектілері бар. Еліміздің фермерлері жеке қосалқы шаруашылығымен экономиканың аграрлық секторлары бойынша жаппай алғандағы жалпы көлем бойынша 33 пайыз астық, 96 пайыз сүт өнімдерін, 92 пайыз ет, 100 пайыз картоп, 99 пайыз көкөніс, 44 пайыз күріш өндіріп отыр.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Фермерлер одағы мемлекеттің аграрлық сектор саласындағы шағын бизнес проблемаларына назар аудармай отырғандығы туралы мәлімдеме жасады
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.