Германиялық компания Алматы облысында ірі ет өӊдеу кешенін салмақ
Инвестициялық жобаныӊ жалпы құны 7,1 млрд. теӊге. Бірінші кезегініӊ қуаты жылына 15 мыӊ тонна болса, 2-ші кезегі - 30 мыӊ тонна. Құрылатын жұмыс орындарыныӊ саны - 700-ден астам. 1-ші кезегініӊ жүзеге асырылу мерзімі 2017-2018 ж.
Талдықорған. 26 қазан. Kazakhstan Today - Бүгін Алматы облысы әкімдігінде облыс әкімі Амандық Баталов пен "BaumanGmbh&COKG" компаниясыныӊ бас акционері Райнер Бауман бастаған компания өкілдері қосымша азықтандыру, мал сою, тереӊнен өӊдеу, ұсақ мал етінен полуфабрикаттар мен дайын өнім шығарумен айналысатын ірі ет өӊдеу кешенініӊ құрылысы инвестициялық жобасын жүзеге асыру туралы мәселелерді талқылады, - деп хабарлайды Алматы облысы әкімініӊ баспасөз қызметі.
Кездесу барысында өӊір басшысы Амандық Баталов ұсақ мал етін өӊдеу саласын дамытуда бұл жобаныӊ маӊызы зор екенін атап өтті.
- Елімізде 20 млн. басқа жуық қой бар, бірақ қой етін өӊдейтін бірде де бір кәсіпорын жоқ. Сондықтан бұл ет өӊдеу кешені құрылысыныӊ толыққанды жүзеге асуы біз үшін аса маӊызды. Біз өз тарапымыздан сіздердіӊ компанияныӊ тиімді жұмыс істеуіне қажетті барлық жағдайларды жасаймыз. Барлық инженерлік жүйелер - электр, жылу, газ, кәріз жүйелері тартылатын болады, сонымен қатар жобаны жүзеге асырудағы жұмыс барысында туындаған мәселелерді шешуге де қолдау көрсетіледі, - деді А. Баталов.
Сонымен қатар облыс әкімі неміс компаниясыныӊ жобалауға қашан кірісетінін, жобаныӊ жергілікті климатқа, географиялық ерекшеліктеріне қашан бейімделе бастайтынын, құрылыстыӊ бірінші кезегі қашан аяқталып, қолданысқа берілетінін білудіӊ маӊызды екенін де тілге тиек етті. Бұл орайда компания өкілдеріне барлық туындаған мәселелерге қатысты өзініӊ орынбасары Серікжан Бескемпіровке, "Жетісу" ИКК" ҰҚ" АҚ мен "Алматы облысын дамыту жөніндегі "Алатау" АҚ басшылықтарына хабарласып, бірлесіп жұмыс істеуге шақырды.
- Ортақ жұмыстыӊ арқасында жобаны сәтті жүзеге асыратынымызға сенімдімін. Сапалы өнім шығарып, тұрақты жұмыс орындары ашылғанда оныӊ нәтижесін көретін боламыз, - деді А. Баталов.
Кездесу қорытындысында облыс әкімініӊ орынбасары Серікжан Бескемпіров пен "BaumanGmbh&COKG" компаниясыныӊ бас акционері Райнер Бауман екіжақты ынтымақтастықты одан әрі дамыту туралы меморандумға қол қойды.
Жалпы, "BaumanGmbh&COKG" компаниясы 1930 жылы құрылған, қой етін өӊдейтін Еуропадағы еӊ ірі компаниялардыӊ қатарында. Қазіргі кезде қозы етін саудалауда Германиядағынарықтыӊ 25 %, Еуропада елеулі бөлігін қамтамасыз етіп отыр. Инвестициялық жобаныӊ жалпы құны 7,1 млрд. теӊге. Бірінші кезегініӊ қуаты жылына 15 мыӊ тонна болса, 2-ші кезегі - 30 мыӊ тонна. Құрылатын жұмыс орындарыныӊ саны - 700-ден астам. 1-ші кезегініӊ жүзеге асырылу мерзімі 2017-2018 ж. Кәсіпорын өнімдері ішкі нарыққа да және экспортқа да шығарылатын болады, деп хабарлайды Алматы облысы әкімініӊ баспасөз қызметі.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.