АСТАНА. 22-желтоқсан. Kazakhstan Today. Гонконг қор биржасы Қазақстанның компанияларымен ынтымақтастықтан мүдделі. Бұл туралы Қытай Халық Республикасына мемлекеттік сапары аясында Гонконг қор биржасында болған Қазақстан Республикасының президенті Нұрсұлтан Назарбаевпен кездесуде Гонконг қор биржасының биржаның бас атқарушы директоры Пол Чоу мәлімдеді, деп хабарлайды Kazakhstan Today тілшісі президенттің баспасөз қызметіне сілтеме жасап.
Мемлекет басшысы Гонконг Қор биржасында Сянган банк-қаржы құрылымдарының өкілдерімен кездесті. Кездесу кезінде биржаның және "UBS Asset Management" компаниясының Азия-Тынық мұхиты өкілдігінің қызметі туралы бейнекөрсетілімнің тұсаукесері болды.
- Біз қазақстандық компаниялар үшін Гонконг қор биржасында өз акцияларын орналастыру қызығушылық тудырады деп үміттенеміз, - деді биржаның бас атқарушы директоры Пол Чоу.
- Біз үшін Гонконгтың қаржы, инновация, технология және ақпарат салаларындағы тәжірибесі аса бағалы. Сянгандық кәсіпкерлер аса қолайлы инвестициялық ахуал жасалған Қазақстанда өз инвестицияларын белсенді түрде салып, өз ноу-хаулары мен басқару тәжірибесін пайдаланатын болады деп үміттенемін. Өз кезегінде қазақстандық компаниялар да Гонконгтың қор рыногына тезірек шыға алатын болады. Қазақстан мен Сянган арасында іскерлік ынтымақтастықты жандандыру үшін жағдай жасау аса маңызды болмақ, - деп атап өтті Нұрсұлтан Назарбаев.
Қазақстан президенті Нұрсұлтан Назарбаев Сянган арнайы әкімшілік ауданы әкімшілігінің басшысы Дональд Тсангпен де кездесті.
- Біз Қазақстанның табыстары мен жетістіктерін жіті бақылап отырмыз. Тәуелсіздіктің 15 жылы ішінде сіздер көп нәрсеге қол жеткіздіңіздер. Сіздер әлемдегі аса қарқынды дамыған экономикасы бар мемлекет құруға қол жеткіздіңіздер. Сондай-ақ сіздер қазір Алматыда өңірлік қаржы орталығын құрып отырсыздар. Осының барлығы да біздің алдымыздан инвестициялық ынтымақтастық үшін зор мүмкіндіктер ашады, - деді Д.Тсанг.
- Бүгін біз елдеріміз ынтымақтастығы жаңа кезеңінің басталғанына куә болып отырмыз. Бұл кезең - саяси сенімді нығайту мен өзара іс-қимыл салаларын кеңейте түсу кезеңі. Бізде барынша тығыз ынтымақтастықтың, ең алдымен, қаржы-экономикалық және ғылыми-техникалық салалардағы ынтымақтастықтың зор әлеуеті бар. Сондықтан, бүгін біз қол қойған келісімдер екіжақты байланыстарға жаңа қарқын қосады, - деп атап өтті Нұрсұлтан Назарбаев.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Гонконг қор биржасы Қазақстанның компанияларымен ынтымақтастықтан мүдделі
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.