АСТАНА. 4 - мамыр. Kazakhstan Today. Ийтеке би мен Арқаны қосатын Хромтау - Алтынсарин теміржол желісінің жаңа учаскесі пайдалануға берілді. Бұл туралы Kazakhstan Today агенттігінің тілшісіне Қазақстан Республикасының көлік және коммуникация министрлігінің баспасөз қызметінен хабарлады.
Баспасөз қызметінің ақпараттарына сүйенсек, жаңа теміржол желісі Қазақстанның солтүстік (астықты) және орталық (өнеркәсіптік) аймақтарын ресейлік теміржолға шығу қажеттілігін тудырмайтын ең жақын маршрут бойынша еліміздің батысымен жалғайды. Бұл аймақаралық транспорттық-экономикалық байланыстардың оңайлауына мүмкіндік береді, деп санайды Көлік және коммуникация министрлігіндегілер.
Сонымен қатар, Қазақстанның орталық және солтүстік аймақтарынан батысына жүк тасымалдау қашықтығы орта есеппен 1,5 мың шақырымға қысқарады. Ақтау теңіз айлағы арқылы тасымалданатын халықаралық қатынастағы астық, металл және басқа да экспорттық тасымалдардың қашықтығы 2 мың шақырымға қысқарады, деп атап өтті баспасөз қызметіндегілер.
Сондай-ақ, экспорттық жүктерді Қазақстаннан Балтық және Қара теңіз айлақтарына дейін өткізу үшін жаңа бағыт құрылуда, жүктерді тасымалдау қазіргімен салыстырған орташа есеппен 25 пайызға азаяды, бұл қазақстандық тауарлардың сыртқы нарықтағы бәсекелестікке қабілеттілігін қамтамасыз етеді.
Министрліктің баспасөз қызметіндегілер, жалпы ұзындығы 402,6 шақырымға созылатын жаңа Хромтау - Алтынсарин теміржол желісі 2001 жылдың маусымында басталғандығын еске сала кетті. Теміржол құны - 33,065 млрд теңге. Хромтау және Ийтеке би станцияларын жалғастыратын желінің бірінші кешені 2005-жылдың желтоқсанында қабылданды.
Хромтау - Алтынсарин теміржол желісінің жұмыс істеп тұрған бөлігімен 2005-жылы 5500 мың тонна жүк, 2006-жылы - 7882 мың тонна жүк тасымалданды. Осы жол бөлігімен негізінен темір кені, қара металдар, құрылысқа арналған жүктер, астық, жұннай өнімдері мен көмір тасымалданды, деп хабарлайды көлік және коммуникация министрлігіндегілер.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Хромтау - Алтынсарин теміржол желісінің жаңа учаскесі пайдалануға берілді
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.