Импорттаушылардың қызметін реттемеу, саудагерлердің алыпсатарлығы мен делдалдар тізбегі азық-түлік өнімдері бағасының қымбаттауына алып келді - АШМ
Импорттаушылардың қызметін реттемеу, саудагерлердің алыпсатарлығы мен делдалдар тізбегі азық-түлік өнімдері бағасының қымбаттауына алып келді - АШМ
Астана. 11 мамыр. Kazakhstan Today - Импорттаушылардың қызметін реттемеу, саудагерлердің алыпсатарлығы мен делдалдардың ұзын-сонар тізбегі азық-түлік өнімдері бағасының қымбаттауына алып келді. Бұл туралы еліміздің ауылшаруашылығы министрі Ақылбек Күрішбаев бүгін үкіметтің отырысында мәлім етті, деп хабарлайды Kazakhstan Today.
"Ағымдағы жылдың сәуір айында жеміс-көкөніс өнімдері бағасының 3,5%-ға күрт өсуі тіркелді", - деді А. Күрішбаев.
Министрдің айтуынша, жеміс-көкөніс өнімдері бағасының қымбаттауына жасалған талдаулар бағаның түзілуіне әсер ететін үш факторды анықтады.
"Біріншісі - импорттаушылардың қызметінде ашықтықтың болмауы. Екінші себеп - базарлардағы тапшылықты қалт жібермей қадағалап отыратын саудагерлердің алыпсатарлық әрекеттері. Бұған өңірлердегі бөлшек бағаның шұғыл айырмашылығы куә", - деді министр.
"Мәселен, Жамбыл және Оңтүстік Қазақстан облыстарында картоп бағасының өсімі тиісінше 38% және 19% құрады, ал Алматы облысында өсім небәрі 10% болған. Ақтөбе облысында қырыққабат 44%-ға, Батыс Қазақстан облысында 6%-ға қымбаттаған", - деді ол.
А. Күрішбаевтың мәліметінше, бағаның көтерілуінің үшінші себебі - ұзын-сонар делдалдар тізбегінің болуы. "Мәселен, Үрімжі қаласында бір келісі 80 теңге тұратын қызанақ делдалдардың қолы арқылы өте келе Астанада 350 теңгеге бірақ жетеді", - деді министр.
Жеміс және көкөніс өнімдерін көтерме және бөлшек сауда желілері арқылы сату арналарының жетілдірілмеуі жайлы үкіметтің отырысы барысында ҚР экономикалық даму және сауда министрі Жанар Айтжанова да атап көрсетті. "Ауылшаруашылығы тауар өндірушілерінен тұтынушыға дейін жеткенше жеміс-көкөніс өнімдерінің бағасы бірнеше есе өседі. Бұл ретте пайданың басым бөлігі делделдық құрылымдардың, соның ішінде көтерме және бөлшек сауда желісінің үлесіне тиеді",- деді ол.
Сондай-ақ, ҚР экономикалық даму және сауда министрінің айтуынша, "әкімдіктер құрған коммуналдық базарлардың саны еліміз бойынша 70-ке жуық болғанымен, жеміс және көкөніс өнімдерін қыс және көктем маусымында арзан бағаға сату жөніндегі мақсатты шеше алған жоқ".
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан трансауған темір жол құрылысына қатысуға дайын
Қазақстан трансауған темір жол құрылысына қатысуға дайын, деп хабарлайды ҚР Премьер-министрінің баспасөз қызметінен.
Қазақстандық делегацияның Ауғанстанға сапарындағы негізгі мәселелердің бірі - бірлескен көлік мүмкіндіктерін кеңейту. Қазақстан және Ауғанстан премьер-министрлерінің орынбасарлары Серік Жұманғарин мен Абдулании Барадардың 24 сәуірде өткен кездесуінде тараптар Орталық және Оңтүстік Азияны интеграциялау жобаларындағы ынтымақтастықты дамытуға өзара мүдделілік танытты.
Атап айтқанда, қазақстандық тараптың трансауғандық дәлізді дамыту жобаларын: Термез - Мазари-Шариф - Кабул - Пешавар және Герат - Кандагар - Спин-Булдак темір жолдарын салу жөніндегі жобаларды іске асыруға қатысуға дайындығы белгіленді. Жоба Орталық және Оңтүстік Азия елдері арасында жүктерді жеткізу уақытын 10 есеге қысқартуға, сондай-ақ жүктерді тасымалдау құнын төмендетуге мүмкіндік береді. Қазақстан темір жолдың жоғарғы құрылысына арналған материалдарды, өз өндірісінің шпалдары мен бекіткіштерін жеткізу арқылы трансауған магистралінің құрылысына қатысуға дайын.
Соңғы үш жылда Қазақстаннан Ауғанстанға экспорттық тасымалдау көлемі тұрақты түрде өсіп келеді: 2023 жылы темір жол арқылы тасымалдау көлемі 2,7 млн тоннаны құрады, оның 1,5 млн тоннасы - ұн және астық. Бұл 2021 жылғы деңгеймен салыстырғанда 14%-ға көп. Алдағы жылдарға арналған болжам - экспорттың 40%-ға ұлғаюы. Бұл ретте 2030 жылға қарай тасымалдардың 3 есе өсуі күтілуде.
Тараптар сондай-ақ елдер арасындағы әуе қатынасын қалпына келтіру мүмкіндіктерін талқылады. Қазақстан мен Ауғанстанның авиациялық билігі арасындағы өзара түсіністік туралы меморандум шеңберінде Тараптардың авиатасымалдаушылары аптасына 3 тұрақты жолаушылар жүк рейстерін орындауға құқылы. Қазақстандық тарап бұл мәселені Ауған авиакомпанияларынан өтінімдер түскен кезде қарауға дайын.
Өткен кездесуде "ҚТЖ" ҰК" АҚ өкілдері экспорттық және транзиттік жобаларды таныстырды.
Бүгінде Қазақстаннан Өзбекстан, Ауғанстан, Пәкістан арқылы және одан әрі теңіз арқылы БАӘ-дегі Джебель-Али портына дейін жаңа мультимодальды экспорттық бағыттарды ұйымдастыру бойынша пилоттық жоба басталды. Жаңа бағыт KTZ Express-тің қатысуымен ұйымдастырылды. Экспорттаушы - қазақстандық Bio Synergy co, жүктерді жеткізу бойынша серіктес - пәкістандық National Logistics Cell (NLC). Қазіргі уақытта Павлодар облысында жүк тиеу басталды. Бұл - алюминий силикатты қуыс микросфера. Алматыда жүк контейнерлерге тиеліп, пәкістандық серіктес машиналарына ауыстырылады. Әрі қарай автокөлікпен Өзбекстан мен Ауғанстан арқылы Пәкістанның Карачи портына дейін жеткізіледі. Ол жерден екі контейнер теңіз арқылы БАӘ-дегі Джебель-Али портына дейін жөнелтіледі", - деді "ҚТЖ" ҰК" АҚ басқарушы директоры Бауыржан Орынбасаров.
Оның айтуынша, жүктерді межелі жерге жеткізудің күтілетін мерзімі-шамамен 20-25 күн. Пилоттық жобаны сәтті іске асыру кезінде осы бағыттың белсенді дамуы және жаңа бағыт бойынша жүк ағынының едәуір көлемін тарту күтіледі.
Сол күні Серік Жұманғариннің Ауғанстанның Сыртқы істер министрі Амир Муттакимен және сауда және өнеркәсіп министрі Нұриддин Азизимен кездесулері өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.