Система Orphus

Индустрия және сауда министрі коммерциялық банктерді құрылыс компанияларының кепілге қойған мүліктерін сатудан бас тарта тұруға шақырады (толықтырылған нұсқа)

18.09.2007, 15:05 119

Астана. 18 қыркүйек. "Қазақстан Бүгін" - Индустрия және сауда министрі Ғалым Оразбақов коммерциялық банктерді құрылыс компанияларының кепілге қойған мүліктерін сатудан бас тарта тұруға шақырады.

"Біз банктерден 2008 жылдың бірінші жартысының аяғына дейін тұрғын үй құрылысы жөніндегі жобалар бойынша құрылыс компанияларының кепілге қойған мүліктерін сатудан бас тарта тұруды сұраймыз, бұл іс жүзінде тұрғын үй құрылысына берілген несиелердің мерзімін ұзартуға байланысты", - деді Ғ. Оразбақов бүгін үкіметтің отырысында сөйлеген сөзінде. "Бұл шаралар барлық компанияларға қатысты жаппай емес, құрылыс бизнесімен нақты шұғылданатын және нарықта өздерін жақсы жағынан таныта алған компанияларға қатысты ғана қолданылуға тиіс", - деді министр. "Ирине, банктер осындай әріптестерінің тізімін өздері айқындауға тиіс", - деді ол.

"Ал жүйелі шара ретінде құрылыс компаниялары несиелерін қайтармаған жағдайда оларды өз акцияларының қосымша эмиссиясын шығаруға немесе үлесін сатуға мәжбүрлеу тетігін енгізуді ұсынамыз", - деді Ғ. Оразбақов.

Оның пікірінше, бұл шаралар активтерді өндірістік айналымнан шығармауға, құрылыс салуды одан әрі жалғастыруға және құрылыс компанияларының банктердің алдындағы жауапкершілігін көтеруге мүмкіндік береді.

Отырыстан кейін журналистерге берген сұхбатында Ғ.Оразбақов құрылыс компанияларының кепілге қойған мүліктерін сатудан бас тарта тұру жөніндегі ұсыныстың ескерту (алдын алу) сипатында екенін атап өтті. "Бұл ескерту сипатындағы ұсыныс. Өйткені, құрылыс компанияларының кепілге қойған мүліктерін сататын да ешкім жоқ екенін болжаймыз. Оны тағы да сол құрылыс компаниялары сатып алатыны анық",- деді министр. "Біз банктерден осындай мүлікті сатудан шамалы уақытқа бас тарта тұруды сұраймыз, бұл құрылыс салу барысын бұзбаудың қамы",- деді ол.

Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны