Иран Маңғыстау облысында бірқатар жобаларды іске асыруды ұсынды
Иран Маңғыстау облысында бірқатар жобаларды іске асыруды ұсынды
Ақтау. 21 сәуір. "Қазақстан Бүгін" - Иран Маңғыстау облысында бірқатар жобаларды іске асыруды ұсынды, деп хабарлайды "Қазақстан Бүгін" агенттігінің тілшісі.
"Біз Каспий теңізінде ортақ кеме қатынасы секілді жобаны жүзеге асыруды ойластырудамыз. Біз порттық инфрақұрылымды дамытуымыз керек", - деп хабарлады Қазақстандағы Иран Ислам Республикасының елшісі Ромин Махманпараст Ақтау қаласында өткен ІІ Каспий инвестициялық форумында.
Ол Ақтау портының Иранның үш маңызды порттарымен бауырлас болғандығы туралы құжатқа қол қойылғандығын атап көрсетті.
"Жақын арада біз өзінің бас консулдығын Ақтау қаласында ашқан алғашқы мемлекет болмақшымыз", - деп мәлімдеді Р. Махманпараст.
Ол сондай-ақ, Ақтау мен Иран қалалары арасында тұрақты рейстер ұйымдастыру жоспарланып отырғанын жеткізді. "Біз қазір Ақтау - Горган, одан әрі қарай Тегеранға және Парсы шығанағының өзге де мемлекеттеріне тұрақты рейс ашуды ойластырудамыз", - деді елші.
Оның айтуынша, Маңғыстау облысы бүкіл дүниежүзіне астық экспорттауда аса маңызды рөлдерге ие болуы мүмкін өңірлердің бірі. "Каспий өңіріндегі мүмкіндіктерді біз астық экспорты үшін пайдалануымыз керек. Иранға астық тасымалдау үшін тиісті құрылым құруда біздің Маңғыстау облысымен жақсы қарым-қатынасымыз орнады".
"Илемдегі мұнай мен газ бағасы үнемі өсіп келе жатқандықтан біз бір-бірімізді қолдап отыруымыз қажет және шикізатты сыртқа шығарудың орынына дайын өнім экспорттауымыз керек. Біз Қазақстанмен бірге мұнай тазалау зауытын салуды ойластырып жатырмыз. Сондай-ақ, біз табиғи газды да өңдеп сатқымыз келеді", - деп мәлімдеді ҚР Иран елшісі.
Бұдан бұрын хабарлағанымыздай, Иран Ислам Республикасының үш солтүстік провинциясы - Мазандаран, Гилана және Гулистан делегациясының Маңғыстау облысына ресми сапары аясында облыс әкімі Қырымбек Көшербаев пен провинция өкілдері арасында сауда экономикалық ынтымақтастық жөніндегі меморандумға қол қойылған болатын.
Тараптар меморандум аясында өнеркәсіп, ауыл шаруашылық, көлік және сауда саласындағы ынтымақтастықты дамытуды жоспарлаған. Ғылым, техника, білім, денсаулық сақтау, мәдениет, өнер, туризм, спорт салалаларында серіктестік байланыс орнатылады.
Меморандумда көрсетілгендей, тараптар Горган мен Ақтау арасында әуе байланысын; Имір-абад пен Ақтау арасында теңіз көлігін және Энзели мен Ақтау айлақтары арасында жолаушы тасымалын ұйымдастыру арқылы көлік инфрақұрылымын дамытуға бағытталған шараларды іске асырмақ. Сондай ақ, Ақтау -Түркменстан шекарасы тас жолдарын жөндеу арқылы автокөліктік байланысын дамыту жоспарланып отыр.
Меморандумда бірлескен кәсіпорын құруға, келісілген салаларда кәсіпорындар арасындағы екі жақты ынтымақтастықты, оған қоса инвестиция тартуға және оны қорғауға қолдау көрсету туралы айтылған.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
ҚР Энергетика министрлігі шетелдік азаматтар үшін бензин мен дизель отынының бағасын өзгертеді
ҚР Энергетика министрлігі шетелдік азаматтар үшін бензин мен дизель отынының бағасы өзгерген бұйрықтың жобасын жариялады, деп хабарлайды министрліктің баспасөз қызметінен.
Ішкі нарықта отын балансын сақтау, сондай-ақ мұнай өнімдерінің ағындары мен "сұр" экспортының тәуекелдерін азайту мақсатында ҚР Энергетика министрлігі автокөліктің тұтыну көлемі мен шығу тегіне байланысты Аи-92, Аи-93 бензині мен дизель отынына нақтыланған бағалары бар бұйрық жобасын дайындады.
Қазіргі уақытта бағаны мемлекеттік реттеуге байланысты Қазақстан Еуразиялық экономикалық одақ елдері арасында жанар-жағармай құны ең төмен ел болып табылады, бұл мұнай өнімдерінің басқа елдерге ағындары мен "сұр" экспортының жоғары тәуекелдеріне әкеледі.
Бұйрық жобасымен АИ-92 және Аи-93 маркалы бензиннің бағасы литріне 245 теңге деңгейінде белгіленеді деп болжанады.
Құжатта дизель отынының бағасы литріне 315 теңгені құрайды деп болжанады.
❗️Жүргізуші куәлігі мен көлік құралын Қазақстан Республикасында тіркеу туралы куәлігі бар азаматтар үшін ЖЖМ бағасы өзгеріссіз қалады.
Бұйрықтың жобасы барлық мүдделі тараптардың талқылауы мен ұсыныстары үшін "Ашық НҚА" сайтында жарияланды.
ҚР Энергетика министрлігі қазіргі уақытта ЖЖМ қорларын өндіру, тиеу және толықтыру үздіксіз жүргізіліп жатқанын, ішкі нарықта мұнай өнімдерінің едәуір қоры бар екенін, ЖЖМ-мен қамтамасыз ету жағдайы тұрақты екенін хабарлайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Өзбекстан Инвестициялар портфелі 2,5 млрд доллардан асатын 60 жобаны бірлесіп іске асыруда
Сурет: akorda
Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев бейресми кездесу өткізді, деп хабарлайды Ақорданың баспасөз қызметінен.
Қасым-Жомарт Тоқаев пен Шавкат Мирзиёев Қазақстан мен Өзбекстан арасындағы стратегиялық серіктестік пен одақтастықты одан әрі нығайту мәселелерін талқылады.
Қазақстан Президенті ислам өркениеті мен сәулет өнерінің жауһары саналатын Хиуа қаласында өтіп жатқан кездесудің символдық мәні бар екеніне назар аударып, барлық бағыт бойынша табысты дамып келе жатқан екіжақты ынтымақтастыққа көңілі толатынын мәлімдеді.
Мемлекет басшысының айтуынша, екі ел үкіметтері қол жеткізілген уағдаластықтарды жүзеге асыру ісімен белсенді айналысып жатыр. Тиісті "жол карталары" жоспарлы түрде орындалып, қол қойылған келісімдер мен сауда келісімшарттары бойынша жұмыс жүргізілуде. Өзара тауар айналымының көрсеткіштері жаман емес. Өткен жылдың қорытындысы бойынша оның көлемі 4,4 миллиард долларды құрады. Өнеркәсіп, энергетика, көлік және логистика, ауыл шаруашылығы салаларында бірлескен жобалар жүзеге асырылып жатыр. Бүгінде портфелімізде инвестиция көлемі 2,5 миллиард доллардан асатын 60 бірлескен жоба бар. Оның аясында 13 мыңнан астам жұмыс орны ашылады. Халықаралық өнеркәсіп кооперациясы орталығын салу жобасы да сәтті ілгерілеп келеді.
Президент қазақ-өзбек тандемі өмірлік қажеттіліктен туғанын және бірге әрі жұмыла әрекет еткенде ғана елдеріміздің орнықты дамуын қамтамасыз етуге болатынын айтты. Осы орайда Мемлекет басшысы Қазақстан мен Өзбекстан арасындағы стратегиялық серіктестік пен одақтастықтың 2034 жылға дейінгі бағдарламасын қабылдау бастамасын қолдады.
Кездесуде президенттер өзара тауар айналымын ұлғайту, энергетика, көлік, су шаруашылығы, IT салаларындағы ынтымақтастықты дамыту сияқты экономикалық ықпалдастықтың сан алуан мәселесі жөнінде пікір алмасты.
Әңгімелесу барысында мәдени-гуманитарлық байланыстарды өркендету, сондай-ақ Қазақстан мен Өзбекстанның бірегей туристік әлеуетін пайдалану мүмкіндіктеріне айрықша мән берілді.
Сонымен қатар Қасым-Жомарт Тоқаев пен Шавкат Мирзиёев өңірлік күн тәртібін талқылап, халықаралық құрылымдар аясындағы өзара ықпалдастық мәселелерін қарастырды.
Келіссөз барысында мемлекеттер басшылары Орталық Азиядағы тұрақтылық пен қауіпсіздікті сақтау мәселесіне ерекше назар аударды. Осы ретте Орталық Азия мемлекеттері басшыларының кезекті алтыншы Консультативтік кездесуіне дайындық барысы, сондай-ақ С5+ форматындағы ықпалдастық перспективалары талқыланды.
Екі ел басшылары өңірдегі өзара ынтымақтастықты нығайту үшін Қазақстан мен Өзбекстанның теміржол әкімшіліктері арасында бірлескен кәсіпорын құру туралы бастамаға қолдау білдірді. Бұл бірлескен кәсіпорынды құрудағы мақсат - Қытай - Қазақстан - Өзбекстан бағытындағы жүк тасымалын ұйымдастыру үшін қазақ-қытай шекарасындағы және Өзбекстандағы жүк терминалдарын өзара тиімді негізде пайдалану.
Аталған жоба екіжақты сауданы жандандырып, тауар тасымалының көлемін арттыруға ықпал етеді, сондай-ақ оңтүстік бағыттағы жүк тасымалын ұлғайтуға қолайлы жағдай туғызады.
Бұдан бөлек, Бірлескен кәсіпорын Трансауған бағытын дамытуға жұмылдырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.